Dorpsingang word verfraai

Dorpsingang word verfraai

Gansbaai Courant

Gedurende 2014 is 'n intensiewe projek deur die Gansbaai Sakekamer onder leiding van hul voormalige voorsitter, Fanie Bothma, in samewerking met die plaaslike ekonomiese ontwikkelings direktoraat van die Munisipaliteit Overstrand en ook in samewerking met die Provinsiale Administrasie (Wes-Kaap) geloods om die plaaslike ekonomie te bevorder. Een van die tien (10) doelwitte wat vir daadwerklike aandag op die korrtermyn identifiseer was, was die ontwikkeling en vestiging van 'n aanvaarbare langtermyn visie vir die bevordering en uitbeelding van die voorkoms en gevoel van Gansbaai as toeriste bestemming van formaat.

Hierdie inisiatief wat as die PACA ("Participating appraisal and competitive advantage") proses bekend staan, het nuwe hoogtes bereik toe die Overstrand Munisipale Raad tydens 'n vergadering gehou op 26 Februarie 2015 besluit het om die voorstelle in daardie verslag deel te laat vorm van die implementering van die munisipaliteit se geïntegreerde ontwikkelingsplan (IDP). Die vennootskap wat reeds tussen die Munisipaliteit en die Gansbaai Sakekamer gesluit is, het aanleiding gegee tot die aktivering van 'n loodskomitee wat verantwoordelikheid aanvaar het om af te skop met die verfraaiing van die dorpsingang regoor die SAP kantore in die Hoofstraat.

Die projek word grootliks finansier met fondse wat deur die Munisipaliteit Overstrand bewillig is, 'n bydrae van R15,000 wat deur die Gansbaai Sakekamer gemaak is, asook fondse wat vir dié doel aan die Munisipaliteit Overstrand (wat vir twee (2) agtereenvolgende jare aangewys was as die "Groenste Munisipaliteit in Suid-Afrika") as prysgeld uitbetaal is. Die loodskomitee wil ook erkenning verleen aan 'n skenking van 8 kubieke meter gemaalde klip wat vir die projek geskenk is deur Dave Sourtell van Saxon Lodge. Hierdie skenking het voorwaar handig te pas gekom. Die grondverskuiwing, die bou van die grensheining en wandelpad wat onder leiding van Paul de Villiers waargeneem is, is teen rekordtyd afgehandel.

Christo Smit van Gansbaai Landscaping was verantwoordelik vir die tuinuitleg, die aanplant van plante asook die aanlê van besproeiing. Die uitbeelding van Gansbaai as die "Home of the Marine Big Five" was eweneens teen 'n rekord tyd deur 'n deskundige diensverskaffer in die Overstrand gebied onderneem. Die uitbeelding van die Grootwit haai, die Suidelike Noorkapper walvis, die Kaapse pelsrob, die Bottelneus dolfyn en die Afika pikkewyn word allerweë as 'n unieke en besonderse toeriste aantreklikheid beskou waar al vyf van die ware Jakob met 'n bietjie geluk, op dieselfde dag in Gansbaai se waters aanskou kan word. Hierdie unieke natuurverskynsel plaas Gansbaai in sy eie liga wat toerisme aantreklikheid betref. Die vertroue word uitgespreek dat hierdie projek wat teen bykans R70 000 voltooi is, met trots deur die inwoners en besoekers aan Gansbaai benut en waardeer sal word.

Francois Myburgh, Areabestuurder van die Overstrandse Munisipaliteit se Gansbaai Administrasie

Dorpsingang word verfraai

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Holiday Operating Hours

Holiday Operating Hours

Our operating hours from 15 December 2017 until 7 January 2018. 

Lemos Laundry
The Nokia 3310 now in stock!

The Nokia 3310 now in stock!

Now in stock!! R900.

Overcell
Summertime... And The Living Is Easy!

Summertime... And The Living Is Easy!

As the year draws to a close, we at the Gansbaai Tourism Bureau would like to take this opportunity to thank visitors and locals...

December 2017 SUMMER EVENTS!!!!

December 2017 SUMMER EVENTS!!!!

DECEMBER 2017 SUMMER EVENTS!!

Johnny's the Party Pub
Property for sale in Kleinbaai

Property for sale in Kleinbaai

Family home in lush green surroundings for sale.

Seeff
The De Hoop bucket list for 2018

The De Hoop bucket list for 2018

Your 2018 bucket list with 12 memorable things to do at De Hoop. An experience you will never forget!

De Hoop Collection
See All Articles