Gaan soek hulle tussen die bamboes

Gaan soek hulle tussen die bamboes

Gansbaai Courant

Daar is heel paar silwervis gevang, en dit lyk asof onder hulle sommer heelwat oulywe was. Dan is daar ook (vanaf ‘n ander boot) ‘n hottie gevang wat, so sweer my informant, baie na aan ‘n volle twee kilo moet wees. So ‘n hottie, wat nou dril van die vet, is iets wat op die rooster móét kom! Sommer in die vlak water het ‘n stokvis die aas kom vat. Dinge kom reg.

Neem kennis  --  die kreefseisoen is iets van die verlede.

Gelukkig is daar vele fasette van hengel. Kom ons kyk bietjie hoe gaan dit as jy besluit om jou vis te gaan soek waar daar nie ‘n skaarste aan bamboes is nie, en jy doen dit vanuit ‘n boot. Tot ‘n mate is dit ‘n spesiale manier van hengel en dit kan groot genoegdoening verskaf  --  maar ook hope frustasie. Onthou as jy die vis daar raakloop moet jy jou maar klaarmaak om ‘n paar hotties te vang wat jou somtyds hartkloppens gee. Dis waar die ou grotes wei. Daar is wel ‘n paar goed waarop jy jou kan voorberei. Bamboes beteken vassit en dit weer beteken dat jy moet sorg vir genoeg sinkers. En lyn en hoeke.

Waarvoor jy in jou pasoppens moet wees is hoe die see lyk. Waar daar bamboes is is normaalweg ook baie riwwe, en dis mos waar die branders breek. So maak eers seker dis veilig. Normaalweg sal laagwater ‘n goeie keuse wees want dis dan makliker om die “gate” of operige spasies om die bamboes te sien. Indien die water trekkerig is moet die anker gegooi word sodat die boot beweeg in die rigting waar daar nog oop spasies is.

Sodoende hoef die ankertou net by die boot losgemaak te word en die uittrek daarvan is dan onnodig indien jy verder na ‘n ander posisie wil dryf. Maak ook seker dat jy genoeg aas het. Tussen die bamboes is goed soos klipvissies, babers, sommer baie haaitjies en ander aasvretertjies. Beste ase is sardyn, bloukoppies, mossel en rooiaas. Nou en dan word jy selfs verras met ‘n roman. En dan is daar nog ander dierasies ook.

Gebruik eerder ‘n ligte stokkie as ‘n handlyn want jy kan die lyn dan meerendeels weghou van die bamboes. Met stil water kan ‘n handlyn wel handig inkom, veral as die vis skelm byt. En gebruik kleinerige hoekies. As daai ou grote wegbreek en losbreek is klein hoekies seker te bevraagteken.  ‘n Man kan nog baie gesels oor hierdie manier van vang  --  dis soms moeilik, maar dit bly lekker. Groete, Seemeeu

Gaan soek hulle tussen die bamboes

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Holiday Operating Hours

Holiday Operating Hours

Our operating hours from 15 December 2017 until 7 January 2018. 

Lemos Laundry
The Nokia 3310 now in stock!

The Nokia 3310 now in stock!

Now in stock!! R900.

Overcell
Summertime... And The Living Is Easy!

Summertime... And The Living Is Easy!

As the year draws to a close, we at the Gansbaai Tourism Bureau would like to take this opportunity to thank visitors and locals...

December 2017 SUMMER EVENTS!!!!

December 2017 SUMMER EVENTS!!!!

DECEMBER 2017 SUMMER EVENTS!!

Johnny's the Party Pub
Property for sale in Kleinbaai

Property for sale in Kleinbaai

Family home in lush green surroundings for sale.

Seeff
The De Hoop bucket list for 2018

The De Hoop bucket list for 2018

Your 2018 bucket list with 12 memorable things to do at De Hoop. An experience you will never forget!

De Hoop Collection
See All Articles