Knap Silhoeetskut

Knap Silhoeetskut

Gansbaai Courant

Johan van der Mescht van Franskraal is reeds sowat 35 jaar by silhoeët- en bisley-skyfskiet betrokke. Sy betrokkenheid by hierdie sport het egter nie by skyfskiet as skut geëindig nie. Dit het ampte soos spanbestuurder en ook afrigter by verskeie skole, Provinsiaal en Nasionaal wat tot op Internasionale vlak deelgeneem het, ingesluit. Vanaf 2012 tot 2014 het hy tydens Silhoeëtkompetisies 6 x 3de plekke, 8 x 2de plekke en 27 x 1ste plekke ingepalm.

Tydens die 2015 Vrystaatse Classic Silhoeëtskut Kompetisie, waaraan 100 skuts deelgeneem het, behaal hy 1 x 3de plek, 1 x 2de plek en 5 x 1ste plekke. Daar het hy ook gekwalifiseer om in die oopvisier geweerafdeling aan die Nasionale proewe met die oog op die Wêreldskut Kompetisie in 2016 deel te neem. Johan se passie vir dié sport het reeds op 14-jarige ouderdom begin.

In 1968 koop hy sy eerste eie geweer by sy pa - ‘n windbuks wat hy by sy pa vir R8 gekoop het en teen 50c per week met sy sakgeld moes afbetaal voordat hy die geweer kon kry. Met sy aftrede sowat 5 jaar gelede in Franskraal, kon hy meer dikwels aan kompetisies deelneem. Silhoeët-skyfskiet behels die skiet na metaal silhoeëtvalplate op verskillende afstande en in bepaalde tye, wat dit beslis ‘n kuns maak om te beoefen.

Johan het ook op Provinsiale-, Nasionale- en Internasionale vlakke aan Bisley Kompetisies deelgeneem. Hy is tans lid van die Bloemfontein-, WP- en SA Metaal Silhoeët Skietklubs, asook lid van Pearly Beach Gun Club en Gansbaai Pistoolskietklub. Hy vertel dat geweerskuts se kundigheid nie gebruik word om te jag of diere dood te maak nie.

“Die redes waarom ek hierdie sportsoort beoefen is omdat dit dissipline, deursettingsvermoeëns, respek vir jouself en jou medemens en ‘n gesonde leefwyse bevorder, asook verantwoordelike vuurwapenveiligheid te alle tye,” sê Johan.

 Hardus Botha

Knap Silhoeetskut

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Ladies Pizza-'n-Wine Evening

Ladies Pizza-'n-Wine Evening

Wednesday, 25 October 2017.

Pieta's Restaurant
New: Coffee in a cone

New: Coffee in a cone

The worlds most instagrammable coffee!

Tuscany Coffee Shop
African Penguin Awareness Day

African Penguin Awareness Day

Celebrating African Penguin Awareness Day.

Legal Snippets

Legal Snippets

FAILING TO DISCLOSE OR PUBLISH YOUR COMPANY'S STATUS ON CORRESPONDENCE AND ELECTRONIC COMMUNICATION.

Richards Attorneys
Bio-Curcumin Now Available

Bio-Curcumin Now Available

Bio-Curcumin now available at Tranquility Wellness Spa!

Great Review

Great Review

One for Gansbaai and its PEOPLE.

Blue Goose
See All Articles