Is GOD nog goed as Hy nee se?

Is GOD nog goed as Hy nee se?

Gansbaai Courant

“Daarom, sodat ek nie hoogmoedig sou wees nie, is daar vir my 'n doring in die vlees gegee, 'n boodskapper van Satan om my met vuiste te slaan. Drie maal het ek die Here gebid dat dit van my af weggeneem moet word.  Sy antwoord was: “My genade is vir jou genoeg. My krag kom juis tot volle werking wanneer jy swak is.” Daarom sal ek baie liewer oor my swakhede roem, sodat die krag van Christus my beskutting kan wees.” (2 Kor. 12:7-9)

Kan jy ook dieselfde as Paulus hierbo sê? Jy het ’n groot probleem of krisis. Jy bid daaroor en wag. GOD antwoord jou nie. Jy bid weer daaroor en wag hoopvol. Steeds bly GOD stil. Jy gaan terug en smeek vir die derde keer. Maar GOD swyg.  Hoor Hy nie? Wil Hy nie antwoord nie? Of wat?

Toe my dogter vier jaar oud was, is sy wonderbaarlik gespaar om nie in die ongeluk waarin my  eie pa en ma dood is, te sterf nie. Ek was só dankbaar daaroor. Ek het GOD geprys omdat Hy so goed was om ons dogter se lewe te spaar. Die afgelope Sondag het ek oor dieselfde vraag wat hier bo staan gepreek. Terwyl ek besig was met die voorbereiding het dit my soos ’n hamerslag voor die kop getref. Dit was asof GOD my direk vra: “As ek jou dogter nie gespaar het nie, as sy wel gesterf het, sou jy nog steeds gesê het: GOD is goed?

Sou Ek enigsins minder van ’n GOD gewees het as Ek haar Huis toe geroep het? Sou jy My vandag nog steeds geprys het?”

Dit het my baie diep laat nadink oor GOD se genade. Ons sê só maklik GOD is genadig, maar besef ons dat Hy ook genadig is selfs al laat Hy toe dat ons kind sterf in ’n ongeluk of ons geliefdes nie gesond word van kanker nie. Is die antwoord wat Paulus gekry het nie ook vir ons die regte antwoord wanneer ons deur moeilike tye gaan nie? “My genade is vir jou genoeg. My krag kom juis tot volle werking wanneer jy swak is.” (2 Kor. 12:8) Mag ek dit sê? GOD is meer bekommerd oor ons siele as ons liggaam! Jy kan maar vir die res van jou lewe mank loop of siek bly as GOD net seker is jy is gered vir die ewige lewe! In elke geval: Lees jy nou met jou eie oë hierdie artikel en hou die koerant met jou hande vas? Is daar ’n dak oor jou kop en kos op jou tafel? Dan is GOD mos besig om jou nou en elke dag met baie seëninge te oorlaai?

Ja! GOD is goed selfs al bly Hy stil en antwoord nie ons gebed nie. Sy krag is elke dag in ons lewe teenwoordig. Kyk rondom jou. Sien Sy goedheid en genade raak in jou lewe en dié van jou geliefdes.

Kom ons loof en prys GOD omdat Hy altyd goed is!

Is GOD nog goed as Hy nee se?

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Holiday Operating Hours

Holiday Operating Hours

Our operating hours from 15 December 2017 until 7 January 2018. 

Lemos Laundry
The Nokia 3310 now in stock!

The Nokia 3310 now in stock!

Now in stock!! R900.

Overcell
Summertime... And The Living Is Easy!

Summertime... And The Living Is Easy!

As the year draws to a close, we at the Gansbaai Tourism Bureau would like to take this opportunity to thank visitors and locals...

December 2017 SUMMER EVENTS!!!!

December 2017 SUMMER EVENTS!!!!

DECEMBER 2017 SUMMER EVENTS!!

Johnny's the Party Pub
Property for sale in Kleinbaai

Property for sale in Kleinbaai

Family home in lush green surroundings for sale.

Seeff
The De Hoop bucket list for 2018

The De Hoop bucket list for 2018

Your 2018 bucket list with 12 memorable things to do at De Hoop. An experience you will never forget!

De Hoop Collection
See All Articles