“Die Eco-Schools Groen Vlag, ‘n Internasionaal erkende simbool van uitnemendheid, is aan Laerskool Okkie Smuts toegeken as deel van die Eco-Schools-program,” sê Felicity Beukes, Fasiliteerder by Laerskool Okkie Smuts.
“Eco-Schools is ‘n program vir omgewingsbestuur en sertifisering.” Die program is ontwerp om volhoubare ontwikkelingsopvoeding in skole te implementeer om leerders aan te moedig om ‘n aktiewe rol te speel in hoe hul skool tot voordeel van die omgewing gebruik kan word.
Die toekenning word eers ná 5 jaar se volgehoue deelname aan projekte en ander take tot voordeel van die natuur en omgewing verwerf.
Felicity sê die program word geïmplementeer deur 47 afvaardigings in 44 lande regoor die wêreld, met 27,000 skole, 6,000,000 studente, 400,000 onderwysers en 4,000 plaaslike owerhede. Dit is ‘n Internasionale program van die Foundation for Environmental Education (FEE), wat plaaslik deur Whale Coast Conservation (WCC) Nasionaal met WESSA bestuur word.
“Die skool is veral trots op die leerders wat gedurende 2014 deel van die padda moniterings-projek rondom Stanford was, wat deur ABI (Agulhas Biodiversity Initiative) geborg is,” sê Felicity.
“Die leerders het saam met Sheraine van Wyk van WCC en ander gemeenskapslede saans laat en soggens vroeg in die koue water strikke gestel en opnames gemaak.” Die data wat ingesamel is, is daarna op ‘n gerekenariseerde databasis vasgelê wat Nasionaal versprei is.
Sy bedank graag elke leerder en opvoeder wat die afgelope 5 jaar ‘n bydrae tot hierdie toekenning gelewer het opreg, veral opregte dank aan me Naomi Williams wat tot die middel van 2014 die Eco-Klub behartig het. According to Sheraine van Wyk, “The findings of the frog monitoring project were puzzling and interpretation thereof was made with insights given by scientists and engineers. This was relayed to the Overstrand municipality and will be given due consideration in the management of the Willem Appel Dam and the connected wetland areas. Funding is sought to continue the project this year. The focus will shift to determining the movement and breeding ponds of the endangered Western Leopard Toads in the urban space.”
Die gemeenskap kan beslis trots wees op Laerskool Okkie Smuts - die Trotse Okkies!
Hardus Botha
