KIA se Pienk vir o13s

Pauline Smith, Verkope Bestuurder van KIA Motors in Hermanus het Gansbaai Primêr se skoolhoof, Tommy Volkwyn, sowat 2 jaar gelede gekontak. Sy het haar en haar eggenoot, Sean Smith (Besturende Direkteur), se behoefte uitgespreek om by die skool betrokke te raak.

Teen die einde van 2014 het Pauline die daad by die woord gevoeg en die skool gekontak. Hulle het besluit om die Netbal 1ste span (o/13A) se toerusting te borg. Die borgskap het die volgende behels: 9 x Netbalrokkies, 9 x Sportbaadjies en 9 x Sportsakke. Die kleur van die rokkies is ‘n pragtige donker pienk en met die aantrek daarvan vir die fotosessie, het die dogters sommer pragtig gelyk en behoorlik soos modelle vir die foto poseer.

Hulle opgewondenheid is verhoog deur die feit dat hulle later op dieselfde dag van die oorhandiging (Donderdag, 23 April 2015) teen Laerskool Gansbaai ‘n wedstryd sou speel - trots in hul nuwe uitrustings. Hulle trotsheid het behoorlik geblom omdat hulle die eerste wedstryd in die nuwe sportdrag gespeel het. Ongelukkig het hulle nie gewen nie, maar wel gelyk-op geëindig met 12 elk.

KIA Motors in Hermanus se missie spreek vanself: “To provide vehicle owners and enthusiasts with quality vehicles and related products that will fulfil their wants and needs by always striving to exceed their expectations.”, asook hulle visie: “At KIA Motors Hermanus we work to create a better future every day. We expect and demand the best by always practicing our values.”

Vir goeie diens kan hulle by 028-313-1722 geskakel word, of stuur ‘n e-pos aan hulle by kia@kiamotorshermanus.co.za.

Hardus Botha

Die trotse Gansbaai Pilchies in KIA Motors se pienk drag, met links Tommy Volkwyn (skoolhoof) en Salomé van der Merwe en regs Pauline en Sean Smith van KIA Motors in Hermanus
Gansbaai Primêr se 1ste span “Gansbaai Pilchies” in aksie by Laerskool Gansbaai, waar hulle hul eerste wedstryd in die nuwe drag gelykop geëindig het