Overberg Kushengelklub nuus

Overberg Kushengelklub nuus

Gansbaai Courant

 “Die oes was maar skraal, maar een hengelaar is gelukkig met ‘n prag-kabeljou van 5.86kg beloon,” vertel Elba Tredoux van die Overberg Kushengelklub.

Sy sê ‘n ysige westewindjie het die hengelaars vroeg Saterdag begroet, na die heerlike soel vooraf dae. “Die algemene klagte van die hengelaars is dat die see nou te koud is, wat verlede Saterdag ook die geval was.                                          

Morné Olivier, een van die klub se tophengelaars, kon gelukkig breëbors met sy 5.86kg kabeljou, wenvis vir die dag, vir ‘n foto poseer. “Die dag sal nie ‘n sukses wees sonder die Klub se getroue borge nie, daarom ‘n groot dankie weer eens aan Buitesteen en Fish Fewer vir hul geskenkbewyse,” sê Elba. “Die yl oes van die dag het egter nie die hengelaars se gees gedemp nie en daar is lekker saamgekuier, met die naelskraap oorwinning van die Stormers wat ook gehelp het om die swak hengeldag op te kikker.”

Vir algemene navrae kan Elba Tredoux by 082-351-2304 of 028-388-0092 gekontak word. Vir hengelnavrae kan die Wedstrydsekretaris, Leibrandt van Niekerk by 082-487-3106 gekontak word, of stuur ‘n epos aan hom by bietouprops@gmail.com.

Hardus Botha

Overberg Kushengelklub nuus

Hardus Botha

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More