“Ek het ‘n daadwerklike poging aangewend om Gansbaai se Veerpyltjieklub weer op dreef te kry,” vertel Boetie (Gilbert) Hart.
“Hierdie eerste toernooi is ter nagedagtenis aan Allen Greef wat die klub vir jare aan die gang gehou het.” Die klubbestuur het ook ‘n spesiale “Allen Greeff Wisseltrofee” laat maak en hulle beoog om elke jaar hierdie tyd ‘n toernooi ter nagedagtenis aan Allen te reël. Die spanne wat verlede Sondag met die Allen Greeff Kompetisie teen mekaar in aksie was, is van Gansbaai, Ceres, Bredasdorp, Helderstroom en Caledon.
Die eerste drie spanne wat as wenners uit die stryd getree het, is 1ste Caledon B, wat die Allen Greeff Wisseltrofee ingepalm het, met 2de Bredasdorp A en 3de Caledon A. Die bestuurslede en kapteins van elke dorp bestaan uit Boetie Hart (Gansbaai), Lindly (Caledon), Wayne (Helderstroom), Marc (Bredasdorp) en DC Lourens (Ceres, maar ook Gansbaaier). Gansbaai het net drie spelers gehad: Boetie Hart (kaptein), Vaatjie en DC Lourens. “Ek voel baie tevrede met ons eerste toernooi en sien daarna uit om seker te maak ons kry die Veerpyltjieklub weer deeglik op die been,” sê Boetie.
Vir navrae kan hy by 083-312-4533 gekontak word.
Hardus Botha
