'n Denkbeeldige, maar baie belangrike kontrolelys

 'n Denkbeeldige, maar baie belangrike kontrolelys

Gansbaai Courant

Was lekker gewees om te weet jy is op die regte plek hier agter die Eiland en dis hier waar die baie geelstert gevang word. Maar hierdie vangery is gespesialiseerd en dis net die manne wat ken van wat die laaste paar dae kon spog met die baie vis. Baie geluk aan hulle. Daar is nog heelwat makriel vir die wat nie so suksesvol met die geelstert is nie! Die water was ‘n baie aanvaarbare 14 grade.

Gewoonlik, met ‘n vaste “crew” het elkeen sy plig, wat normaalweg pligsgetrou uitgevoer word. Verander egter hieraan en die patroon kan drasties verander. Iemand, êrens, gaan iets vergeet. En dis dalk iets belangriks. Wanneer die skipper die finale verantwoordelikheid het kan so ‘n probleem uitgeskakel word. ‘n Denkbeeldige lys waarop alles nagegaan word bly belangrik. Baie bote se roetine sal natuurlik a.g.v. omstandighede verskillend wees, maar ‘n skipper sal nogtans weet wanneer ek na sekere items verwys.

Kom ons neem ‘n deurslagboot as voorbeeld. Die skipper se storie begin al minstens die vorige dag met die noodsaaklike reëlings en voorbereiding  --  hieronder val oproepe na die “crew” Alles verloop hopelik goed en die manne kom die oggend vroeg by die skipper se huis bymekaar waar al die nodige voorbereiding gedoen moet word. Genoegsame aas word gepak met die hengelgereedskap almal op hul regte plekke. Die chevron word opgekoppel en die ligte nagegaan. Die skipper maak ook seker dat die brandstof genoegsaam is (en sy geldsake in orde). Dan volg een van die belangrikste take  --  is die bootproppe in posisie? Hierdie is uit en uit ‘n skipper se verantwoordelikheid. Soveel so dat hy gewoonweg een van die manne aanstel om altyd te verseker dat hierdie taak wel gedoen is.

Deesdae is diefstal so erg dat waar moontlik die boot onder dak gehou  en toegesluit word. Indien dit nie moontlik is nie word alle noodsaaklike toerusting soos ‘n GPS en die visvinder afgehaal en vir veiligheid weggebêre en dan moet dit natuurlik ook by die lys van goed gevoeg word wat nagegaan moet word.

Die probleem met wie wat moet doen loop gewoonlik skeef wanneer, vir een of ander rede, die gewone “crew” nie volledig is nie. Dus is dit weer die skipper wat moet kophou. Wie was nog nie reeds op die water nie om dan die vraag te hoor, “Het een van julle die proppe ingesit?’ of sommer enige van die ander lastighede. Dis die moeite werd om liewer op land seker te maak. Iets anders is net so noodsaaklik  --  moet tog nie vergeet om die vrou tot siens te sê nie. Plaas dit maar vir veiligheidshalwe 2e op die lys, die proppe bly eerste!

Groete, Seemeeu

 'n Denkbeeldige, maar baie belangrike kontrolelys

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

December 2017 SUMMER EVENTS!!!!

December 2017 SUMMER EVENTS!!!!

DECEMBER 2017 SUMMER EVENTS!!

Johnny's the Party Pub
Property for sale in Kleinbaai

Property for sale in Kleinbaai

Family home in lush green surroundings for sale.

Seeff
The De Hoop bucket list for 2018

The De Hoop bucket list for 2018

Your 2018 bucket list with 12 memorable things to do at De Hoop. An experience you will never forget!

De Hoop Collection
Nurdle Hunt

Nurdle Hunt

Our DEEP kids went out Nurdle Hunting...

Shining the light on marine pollution with VW and DICT

Shining the light on marine pollution with VW and DICT

To create awareness for the conservation efforts of the Dyer Island Conservation Trust...

DIY: Glazing a Window

DIY: Glazing a Window

An errant ball, a hurled stone, or a falling branch is all it takes to end the life of a windowpane.

Gansbaai Build It
See All Articles