Vrydag 15 Mei het die Rachel’s Angels Organisasie ‘n beroepsvoorligting dag vir al die graad 10 en 11 leerders gehou. Die leerders het deur die dag motiveringspraatjies gekry sowel as ‘n forum van mense in die bedryf wat vir hul loopbaanmoontlikhede verduidelik het. Afgevaardiges van die Universiteit van Stellenbosch was ook teenwoordig. Jolande Sauls, Bestuurder van Ikamva Jeugsentrum, het die verrigtinge begin nadat die leerders heerlike koffie en muffins ontvang het. Sy het haar lewensrys vertel en hoe sy bo haar omstandighede uitgestyg het.
Die leerders het na die tyd kans gekry om aan haar vrae te vra. In die paneel wat die forum gelei het was Anzio Abels van die Two Oceans Aquarium, Anchelle en Joan de Villiers van Grootbos, De Wet Schoeman die direkteur van Centre for Applied Entrepreneurship asook Spurgeon Wildon en Heindrich Wyngaard (Trustee: Rachel’s Angels). Die groot fokus van die dag was om leerders die belangrikheid van entrpreneurskap te leer en hoe om bo hul omstandighede uit te styg.
Die leerders is ook toegespreek deur Luzelle Lestrade, Trustee van Rachel’s Angels en sy is ook ‘n motiveringsspreker. Die dag is afgesluit met ‘n uitstalling en inligtings tafels waar die leerders inligting kon ontvang van elke instansie.
Liezel Mostert
