Twee bekende gesigte by Build-It, Bennie Otto en Nicolette Otto, het Build-It gedurende die afgelope week verlaat. Bennie was vir die afgelope 10 jaar en 8 maande deel van die personeel en was “Jack of all trades”, om sy eie woorde te gebruik.
Bennie gaan nou meer gespesialiseerd werk as Streeksbestuurder van Plumlink wat ‘n tak in Hermanus gaan open. “Ek beskou dit as ‘n groot uitdaging, veral omdat ek slegs twee weke tyd het om alles voor die amptelike opening in gereedheid te kry, nadat ek ‘n week by hulle hoofkantoor in die Kaap spandeer het,” het Bennie gesê. Hy bly egter in Gansbaai aan en sal heen en weer na Hermanus ry.
Nicolette was sowat 6 jaar en 6 maande by Build-It se voorrade-ontvangsafdeling betrokke. Sy het ‘n pos by Romansbaai Perlemoenplaas aanvaar en sal daar ook in hulle voorrade-ontvangsafdeling werksaam wees. Ook sy sien haar nuwe pos as ‘n nuwe uitdaging. Altwee hierdie voormalige Build-It personeellede was bekend vir hulle vriendelike diens en goeie menseverhoudings.
Hardus Botha
