Gansbaai se knap Vlieenier

 Gansbaai se knap Vlieenier

Gansbaai Courant

Mauritz du Plessis, Gansbaai se bekende vlieënier, het onlangs aan die President Trofee Lugwedren in Bloemfontein deelgeneem. Sy seun, Christiaan du Plesis van Durbanville, ‘n professionele helikopter-vlieënier, het die vliegtuig gevlieg, met Mauritz as die knap navigator. Daar was 84 deelnemers wat aan die wedvlug oor ‘n tydperk van 2 dae deelgeneem het.

Die eerste dag (29 Mei) was die afstand 304 seemyl wat gevlieg moes word. Die volgende roete moes gevolg word: Vanaf Tempe Lughawe na Boshoff, na Petrusville (by die Van der Kloofdam) na die Gariepdam en terug na Bloemfontein. “Elke vliegtuig kry sy ‘handicap’ spoed vir die 2 dae, en om die wedvlug te kan wen moet die navigator van die winde gebruik maak en seker maak die roete word oor die kortste moontlik afstand voltooi,” vertel Mauritz. “Die navigators mag ook van geen elektroniese navigasie-toerusting gebruik maak nie en mag slegs basiese hulpmiddels soos kompas en kaarte gebruik om mee te navigeer.”

Op die tweede dag (30 Mei) was die afstand 272 seemyl en die roete was vanaf Tempe na Bultfontein, na Hertzogville en weer terug na Tempe, vanwaar hulle weer na Jagersfontein en Edenburg gevlieg het, alvorens hulle na Bloemfontein teruggevlieg het. Mauritz sê die hoogte wat gevlieg is, wissel van ‘n skrale 3 voet tot sowat 2,000 voet bo die grond, afhangende van die terrein en winde. “Toe ons oor die eindstreep gevlieg het om te gaan land, was daar 13 vliegtuie voor ons wat gelyktydig op dieselfde aanloopbaan moes land en was die spasieëring sowat 75 meter tussen elke vliegtuig, met ‘n landingspoed van sowat 160 km/uur!”

Die aanloopbaan wat hier ter sprake is, se lengte is maar 1.1 kilometer en dit moet sonder twyfel uitstekende vlieg- en veral navigasievernuf kos om seker te maak daar word ver genoeg agter die voorste vliegtuig geland. Christiaan en Mauritz het 48ste geëindig, wat uitstekend is vir hierdie kompetisie wat slegs een maal per jaar plaasvind. Trotse nuus is dat Mauritz reeds sy Springbokkleure as vlieënier gedurende Februarie vanjaar tydens die Suid-Afrikaanse Kampioenskap in Presisie vlieg te Brits verwerf het.

Die Springbokkleure mag egter eers aangetrek word nadat hy oorsee gaan deelneem. Mauritz vertrek op 10 Julie vanjaar om oorsee te gaan deelneem en ‘n volledige berig en foto’s in sy Springbokkleure sal kort daarna in Gansbaai Courant gepubliseer word.                                                

Hardus Botha

 Gansbaai se knap Vlieenier

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

DIY: Glazing a Window

DIY: Glazing a Window

An errant ball, a hurled stone, or a falling branch is all it takes to end the life of a windowpane.

Gansbaai Build It
Pearly Beach Property: Houses and plots for sale

Pearly Beach Property: Houses and plots for sale

The area might be known as peaceful and quiet, but its tranquil aura is not to be mistaken for boring.

Hou hierdie Kerstyd jou oog op Jesus gevestig!

Hou hierdie Kerstyd jou oog op Jesus gevestig!

Rig jou oog hierdie Kerstyd op Jesus.

O.M.G.E.E. Bediening
Perlemoenbaai houses and plots for sale

Perlemoenbaai houses and plots for sale

Perlemoenbaai in Gansbaai is considered to be the residential area with the best of both worlds when it comes to property investment.​

Suksesvolle Kinderpartytjie

Suksesvolle Kinderpartytjie

S.H.A.R.E. reel elke jaar n partytjie vir al die minderbevooregte kinders in Gansbaai wat onder 10 jaar is.

S.H.A.R.E.
December Golf Competitions

December Golf Competitions

The dates for our Golf Competitions this December.

Gansbaai Golf Club
See All Articles