Kleindogter is Jnr Wereldkampioen Danser

Kleindogter is Jnr Wereldkampioen Danser

Gansbaai Courant

Tydens die Wêrelddanskompetisie in Porec, Kroasië (Croatia) in Oos-Europa is Dawie en Bettie Naudé van De Kelders se kleindogter, Simonè Duvenhage (14), as wenner in die junior kategorie vir haar dansuitbeelding van “Mary Poppins” in die musiekteaterdissipline aangewys.

“Dit was ‘n trotse oomblik vir ons by die aanhoor van haar uitsonderlike prestasie,” sê Dawie. Simonè en haar dansmaat, Nicole Geldenhuys (16) is altwee van Witbank in Mpumalanga en hulle het Suid-Afrika in die wêreldwye danskompetisie in Porec, Kroasië verteenwoordig, waar meer as 5,000 dansers hulle danstalent vertoon het. Die danskompetisie was baie straf met lande soos Rusland, Duitsland, Brittanje en andere. Daar was drie kategorieë, naamlik kinders, juniors en seniors, asook dansdissiplines vanaf ballet tot by hip-hop.

Die kampioenskappe het op 22 Mei 2015 begin en op 24 Mei geëindig. Nicole vertel dat dit ‘n emosiebelaaide oomblik was toe Simonè as die wenner in die junior kategorie aangewys is. Nicole is self van wêreldgehalte en is as die wenner in die senior kategorie vir haar kontemporêre dans, “The Words I never said” aangewys, terwyl sy ook ‘n tweede plek vir haar “Jazz Boots” en ‘n vierde plek vir haar “Amazing Grace” in die ope-afdeling ingepalm het.

Hierdie twee wêrelddanskampioene het gewys dat Suid-Afrika hoë dansstandaarde in die wêreld handhaaf en hulle het nie nodig om vir enige land se dansers terug te staan nie, wat beslis van Dawie en Bettie ‘n trotse oupa en ouma maak. Tydens die vorige Wêrelddanskompetisie in Pretoria, wat terselfdertyd as ‘n “opwarmingskompetisie” gedien het, het Simonè ook ‘n eerste plek in haar kategorie verwerf, natuurlik met Dawie en Bettie wat daardie kompetisie bygewoon het.

Dan het hulle kleinseun van Van Der Bijlpark, Julian Merrick (15), hulle nog verder trots gemaak met sy verwerwing van 1ste Dan in Taikwando Karate op ‘n baie jong ouderdom. Dawie en Bettie verhuis eersdaags na Winkelspruit in KwaZulu-Natal, ná ‘n verblyf van 16 jaar in De Kelders.

Hardus Botha

Kleindogter is Jnr Wereldkampioen Danser

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Shark Update 22 October 2017

Shark Update 22 October 2017

With the recent "elusive" White Shark situation we were happy to have White sharks sightings for two consecutive days over the weekend...

Ladies Pizza-'n-Wine Evening

Ladies Pizza-'n-Wine Evening

Wednesday, 25 October 2017.

Pieta's Restaurant
New: Coffee in a cone

New: Coffee in a cone

The worlds most instagrammable coffee!

Tuscany Coffee Shop
African Penguin Awareness Day

African Penguin Awareness Day

Celebrating African Penguin Awareness Day.

Legal Snippets

Legal Snippets

FAILING TO DISCLOSE OR PUBLISH YOUR COMPANY'S STATUS ON CORRESPONDENCE AND ELECTRONIC COMMUNICATION.

Richards Attorneys
Bio-Curcumin Now Available

Bio-Curcumin Now Available

Bio-Curcumin now available at Tranquility Wellness Spa!

See All Articles