Gansbaai Courant ontmoet Fijnbosch

Gansbaai Courant ontmoet Fijnbosch

Gansbaai Courant

Dit was Olga Swanepoel van die Wacky Whalers Kwiltgroep in Gansbaai se (Nederlandse!) opmerking tydens Gansbaai Courant se fotosessie van ‘n spesiale kwilt met Gansbaai Fijnbosch daarop uitgewerk.

“Elke jaar beplan ons ‘n spesiale kwiltwerk waarvoor lootjies verkoop word om aan ‘n liefdadigheidsorganisasie te skenk,” vertel Olga. “Ons het besluit ons is moeg vir bedel vir lootjie-verkope en het besluit om ‘n ander roete te volg.” Die groep het toe besluit om ‘n spesiale kwilt van hoogstaande gehalte te maak wat vir dieselfde doel opgeveil kan word. Hulle het die “Gansbaai Fijnbosch” kwilt, ‘n kleurvolle kwilt van 2.09m by 2.40m, vir die 18de Suid-Afrikaanse Kwiltfees gedurende Julie vanjaar in Durban ingeskryf. Die dames se stoutste verwagtinge is oortref: ‘n Tweede plek vir hulle kwilt by ‘n baie groot Kwiltfees! “Uitstekende en opbouende opmerkings is in die 3 beoordelaars se bevindinge ingebou,” vertel ‘n trotse Olga.

“Ons het ‘n jaar en 3 maande aan die kwilt gewerk, wat nou teen R18,000 beskikbaar is.” ‘Local is Lekker’ is as tema voorgestel en Olga het die patroon ontwerp. Sy het die kwilt in 18 blokke opgedeel en inheemse blomme aan Gansbaai geskets, met die lede wat kon kies watter blom hulle voor kans sien en die dames het begin besig raak.

Die lede wat aan die kwilt gewerk het, is Adrie Wessels, Grietjie Meyer, Hettie Lass, Lydia Voigt, Mausie Pienaar, Margaret Clarence, Mariana Meye, Nettie le Roux, Olga Swanepoel, Rentia van Jaarsveld, Rika Hoffman, Suzette Reyneke en Liz Levey. Appliek- en borduurwerk moes gedoen word en vele lappies moes uitgesoek en uitgeruil word om by die kleurskemas aan te pas. Van die dames het meer as een blok geneem en toe dit gereed is, het hulle bymekaargekom, waarna ‘n paar stroke gesny is om tussen die blokke in te voeg om dit aanmekaar te heg.

“Dit was ‘n gemeet en gepas en gesny en gestik vir die vale en Mausie het elke blom se botaniese naam met haar borduurmasjien aangebring,” vertel Olga. “Ek en Rentia is biblioteek toe vir navorsing oor inheemse skoenlappers van ons omgewing, wat toe met materiaalverf geskilder is om tussen die blomme aangebring te word.” Olga sê die Wacky Whalers het tussendeur nog 3 kwilts voltooi wat aan Standford Kinderhuis geskenk is sodat die kinders lekker warm kan slaap.

Belangstellendes in kwiltdinge kan vir Rika Hoffman by 028-384-1697 of 072-691-7675 skakel.

Hardus Botha

Gansbaai Courant ontmoet Fijnbosch

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

New: Coffee in a cone

New: Coffee in a cone

The worlds most instagrammable coffee!

Tuscany Coffee Shop
African Penguin Awareness Day

African Penguin Awareness Day

Celebrating African Penguin Awareness Day.

Legal Snippets

Legal Snippets

FAILING TO DISCLOSE OR PUBLISH YOUR COMPANY'S STATUS ON CORRESPONDENCE AND ELECTRONIC COMMUNICATION.

Richards Attorneys
Bio-Curcumin Now Available

Bio-Curcumin Now Available

Bio-Curcumin now available at Tranquility Wellness Spa!

Great Review

Great Review

One for Gansbaai and its PEOPLE.

Blue Goose
Blue Flag Status for Marine Dynamics & Dyer Island Cruises Vessels

Blue Flag Status for Marine Dynamics & Dyer Island Cruises Vessels

Blue Flag status for Marine Dynamics and Dyer Island Cruises for the second year running...

See All Articles