Geniet die reis! God is in beheer!

Geniet die reis! God is in beheer!

Gansbaai Courant

“So sê die HERE, jou Verlosser, die Heilige van Israel: Ek is die HERE jou GOD wat jou onderrig tot jou beswil, wat jou lei op die pad waarop jy moet gaan.” (Jes. 48:17)

Raak jy nie soms ook moeg in jou pogings om GOD te help om jou te kry waar jy gedink het jy moet wees nie? Jy is só bekommerd oor wat nog alles kan verkeerd loop dat jy lankal nie meer jou lewensreis geniet nie. Geen wonder die mens van ons dag is só lewensmoeg nie!

Onthou jy nog die dae toe jy as kind sommer net in die motor geklim het as julle iewers heen gery het? Dalk was dit vir ’n lekker vakansie. Pa en ma het alles gereël en al die kos en klere ingepak. Ja, dalk moes jy sorg vir jou eie tas maar ma het altyd kom seker maak jy het alles in jou tas gepak wat jy moes. Die feit is dat die belangrikste dinge deur pa en ma gereël is. Die motor was vol brandstof, die bande gepomp en die reisplan is presies uitgewerk. Jy as kind moes net inklim en saamry om die lekkerte geniet!

Wel, ek glo dat GOD ook dieselfde doen as hemelse Pa. Hy is in beheer van ons lewensreis en Hy weet waarheen ons op pad is. Ons is Sy kinders en ons moet net in die motor spring. Hy bestuur en Hy sal ons veilig na ons bestemming lei. Ek en jy sit op die agterste sitplek terwyl Hy as Pa die motor bestuur. Moet asseblief nie probeer om Hom voor te skryf hoe Hy moet ry of watter pad Hy moet kies nie! Jy sou dit tog nie as kind teenoor jou pa of ma gedoen het nie. Geniet jou voorreg as kind om net te mag saamry.

Ek het geleer dat hoe meer ek aan GOD oorgee en toelaat dat Hy in beheer bly, hoe meer geniet ek elke dag dit wat ek doen. Leer om Hom meer en meer te loof vir alles wat op jou pad gebeur, al is dit nie altyd vir jou verstaanbaar nie. Hy is die Almagtige GOD met ontsagwekkende krag en wysheid. Hy wil jou soms nuwe dinge leer en nuwe plekke wys.  “GOD is ryk in goedheid, verdraagsaamheid en geduld! Sê dit vir jou niks nie? Besef jy nie dat GOD jou deur sy goedheid tot bekering wil lei nie?” (Rom 2:4) Ja, bely weer vir ’n slag jou afhanklikheid van Hom wat jou lewe bestuur. Sê vir GOD dankie vir waar jy bly, watter werk jy kan doen en wat met jou gebeur. Geniet die mooi van die natuur om jou, die voorreg van jou gesondheid en die mense wat GOD op jou pad bring.

Hierdie is jou lewensreis, jong! Geniet dit! GOD is in beheer! Hy hou die stuurwiel vas!

Geniet die reis! God is in beheer!

Ds Deon Kloppers

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

The Erica Irregularis

The Erica Irregularis

Located near the southern tip of South Africa, the Cape Floral Kingdom is the most diverse floral kingdom in the world...

Gansbaai Build it Netball Day

Gansbaai Build it Netball Day

Gansbaai Build It will be hosting their first ever Netball Day

Gansbaai Build It
Bucket list stuff!

Bucket list stuff!

Our popular Premium Beach Trail is suitable for all ages and for riders with all levels of experience...

Ready Steady Go

Ready Steady Go

After a well deserved break, we are back & ready to tackle the second half of the year!

Goedvertrou Guest Farm
What happens when inheriting a property?

What happens when inheriting a property?

Questions to ask that will help you make decisions.

Seeff Gansbaai
July Holiday Trails

July Holiday Trails

Make the most of this beautiful weather and book your Beach Trail with us...

See All Articles
Insufficient parameters to getPerm()
/usr/www/users/gansbhvefs/coreframework/api/permissions/perms.php (356)