Snoekmalligheid

Snoekmalligheid

Gansbaai Courant

Dis nie die beste manier om daarna te verwys nie maar soos wanneer geelbek, kabeljou of geelstert aan die loop gaan, is dit nou die tyd om alles uit te haal om jou snoek te vang.

Daar is baie bote wat kan spog met ordentlike vangste maar ook baie keer droëbek terug huis toe. In alle regverdigheid, dis mooi vis en boonop in ‘n goeie kondisie. Die probleem is egter dat die een dag jy nie baie ver hoef te gaan soek nie en goeie vangste amper vanselfsprekend is, die volgende dag daar wyd gesoek moet word. Wat hierdie vangery so interessant maak is die baie maniere waarop hulle aangekeer kan word. Indien hulle aan die loop raak is ‘n blink hoek met geen aas daaraan nie, genoeg om die boot vol te maak terwyl dit ander tye ‘n bedrewe hengelaar kos om sukses te behaal.

Baie maal is die blote teenwoordigheid van die vis nie genoegsaam om ‘n snoek aan die lyn te kry nie en dis dan wanneer die ou wat sy storie ken die een na die ander intrek terwyl ander ouens eenvoudig net kan kyk en hoop. Dit en die opwinding van ‘n groot snoek aan die lyn is juis wat manne so “snoekmal” maak! Rofweg is die area waar vir snoek gehengel word, vanaf die Eiland tot by die Punt. Dan word gewoonlik van Kleinbaaihawe gebruik gemaak. Die vis lê gewoonlik baie diep maar sal ook somtyds vlakker beweeg. Die ander area is, ook vanaf die Punt tot ongeveer Dassiegat, en dan is dit Gansbaaihawe se beurt.

Dit is interessant om op die volgende te let: Daar is ‘n verskeidenheid van vis wat gevang kan word indien daar vanaf Kleinbaai gehengel word en indien die snoek nie die dag byt nie, is dit ‘n welkom teiken. Indien jy by Dassiegat vir jou snoek moet soek is jou kanse skraler vir ander vis, tensy jy natuurlik tussen die riwwe of bamboes wil probeer.

In so ‘n geval is jou kanse nie so goed om daardie wille wragtags raak te loop nie.

Oor die naweek het die vis so aan die loop gegaan dat parkeerplek by tye onbekombaar was by Kleinbaai, en toe die vis op ‘n slag versit Gansbaai toe het dit daar ook maar woes gegaan. Daar is egter net een manier om self ‘n vis aan die lyn te kry en dis om self te probeer. Indien jy iemand ken wat jou sal vertel waar (en miskien hóé) ag jouself gelukkig, maar verseker dat jou inligting betroubaar is. Anders is dit maar ‘n kwessie van twee en twee bymekaar tel, en hoop dit maak vier. Maandag het dit weer swak gegaan…..

(Maak ‘n plan voor die mannetjies die wyfies kom haal!)

Groete, Seemeeu

Snoekmalligheid

Seemeeu

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Mid Winter Beach Trails

Mid Winter Beach Trails

Mid Winter in the Overberg and still wonderful weather to ride in.

Serendipity - Villa The Cherry

Serendipity - Villa The Cherry

Do you wanna hear an incredible story? Let me tell you one.. This blog is about how The Cherry came into our live.

Villa The Cherry
Latest addition to Bay Tyre's services

Latest addition to Bay Tyre's services

Bay Tyres now offers exhaust and lubrication services (minor service)!

Bay Tyres
Whale Viewing 2018: A Guide to Boat-based Whale Watching

Whale Viewing 2018: A Guide to Boat-based Whale Watching

The low, bellowing call of a lone Southern Right Whale echoes through the waters of Walker Bay.

Our gentle giants have returned!

Our gentle giants have returned!

W.e had our first official whale trip of the season and as we launched from Gansbaai harbour.

The Strandveld is where...

The Strandveld is where...

Photographic journey, why we love our region...

See All Articles