Laerskool Gansbaai het rede om met ‘n breë bors te stap!
Ons leerders het weer eens uitstekend gevaar in die onlangse Engelse Eisteddfod wat aangebied is vir Gr 1-3.
Daniel Hanekom (Gr 4.2) is aangewys as die algehele wenner in sy graad vir sy voordrag by die Afrikaanse Eisteddfod.
Madelle Swart (Gr 4.1) se kunswerk is uit meer as 3 500 inskrywings vir die Santam Kinderkuns 2016 aanlyn publikasie gekies.
Op Woensdag, 12 Augustus 2015 is die Engelse Spraak en Drama Eisteddfod by Laerskool Gansbaai aangebied. 'n Suksesvolle dag het glad verloop onder leiding van ons eie Annette Wessels, wat die sameroeper was vir hierdie afdeling van die Overbergse Eisteddfod.
Ons leerders het goed presteer en het 8 Cum Laude, 10 Goud en 5 Silwer sertifikate verwerf.
Baie geluk aan hierdie leerders – ons is baie trots op julle!
Baie dankie aan al die ouers en onderwyseresse wat betrokke was by die afrig en ondersteuning van die leerders by die optredes.
Baie dankie ook aan Annette Wessels vir haar knap reëlings wat die dag so ’n groot sukses gemaak het.
Vickie Cilliers, Koördineerder
