Ons enigste ware 911!

Ons enigste ware 911!

Gansbaai Courant

Dit is algemeen bekend in die Westerse wêreld dat jy enige tyd wanneer jy in die moeilikheid is net 911 kan skakel en daar sal iemand wees wat die oproep beantwoord en jou probeer help. Só baie mense het dit al in hulle nood gedoen en is gehelp. Waar kom hierdie nommer 911 vandaan? Hoekom hierdie spesifieke nommer? Lees gou hierdie vers uit Psalm 91:1.

“Hy wat by die Allerhoogste skuiling vind en die beskerming van die Almagtige geniet,” (Psalm 91:1) hy sê vir die Here: “U is my toevlug en my veilige vesting, my GOD op wie ek vertrou.” (Psalm 91:2) Vir ons as gelowige Christene is ons 911 mos ons Hemelse Vader, is dit nie?

Onthou jy nog die tye uit jou kindertyd wanneer daar ’n groot storm losbars en die wind en die reën kwaai gewoed het? Onthou jy hoe jou pa jou dan inroep en sê jy moet in die huis kom skuiling vind? As hy dan die  deur agter jou toemaak en jy veilig in die kombuis of jou kamer gesit het, het  jy kalm geword en veilig gevoel. Dis presies wat jou hemelse Pa ook vir jou in Psalm 91:1 sê: “Kom vind jou ware skuiling by My, die Allerhoogste en geniet die beskerming van My as die Almagtige!”

In die afgelope tyd word duisende christene in die Oosterse lande deur ekstremistiese Moslemgroepe vervolg.

Baie word onthoof, gemartel en vervolg, maar veel meer moet vlug om weg te kom uit vrees vir hulle lewens. Hierdie mense het geen plek om skuiling te vind nie en vlug oor die grense na lande waar hulle hoop om beskerming en skuiling te vind. Ons as Christene in Suid-Afrika en die relatief veilige Westerse lande mag nie ophou bid  dat ons Almagtige GOD en Hemelse Vader hierdie mense sal beskerm en hulle werklike 911 wees nie. Doen dit sommer nou net daar waar jy sit en lees. Bid vir hierdie Christene wat nou iewers in die koue, oor berge en deur gevare moet vlug vir hulle lewe.

Mag ek en jy in die tye wat kom, wanneer daar in ons lewe enige aanslag of gevaar opduik, hierdie plek van skuiling, ons ware 911, vind. Mag ons dan ervaar hoe die arms van die Almagtige ons toevou en ons beskerm teen enige gevaar of aanslag. Ons enigste hoop in lewe of sterwe, in nood of angs, is net in die Vader van ons HERE Jesus Christus. “Dit is Hy wat ons uit so 'n groot doodsgevaar gered het en ons weer sal red. Op Hom is ons hoop gevestig: Hy sal ons ook verder red.”  (2Kor. 1:10)  “Al val daar duisende langs jou, tienduisende by jou, vir jou sal niks tref nie.” (Ps. 91:7) “Hy sal sy engele opdrag gee om jou te beskerm waar jy ook al gaan.”  (Ps. 91:11) 

Lees nou die hele Psalm 91 en vind jou ware 911 in die Almagtige!

Ons enigste ware 911!

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Marine Big 5 Tours  - 18 January 2018

Marine Big 5 Tours - 18 January 2018

We had two trips out today, one in the late morning on our smaller vessel Whale Whisperer, and second on Dream Catcher...

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

See All Articles