Pearly versus Goodwood

 “Saterdag, 12 September was dit Pearly Beach Rots- en Strandhengelklub se hengelaars teen dié van Goodwood,” vertel Isolde Smith, Sekretaresse van Pearly Beach Rots- en Strandhengelklub.

“Met ‘n rekord van 82 inskrywings waarvan 24 besoekers was.” Sy sê 19 hengelaars het 25 visse ingeweeg met ‘n totale massa van 38.25kg. Die uitslae was soos volg: Barry Muller wen die kompetisie en het ook die swaarste sak ingeweeg. Jacques Nel van Goodwood eindig 2de, met Tony Hoogendijk 3de, met die ook die grootste vis, ‘n mooi Steenbras van 3.7kg. Deon Strydom eindig in die 4de plek, met Wikkie van Dyk in die 5de plek. Alida Strydom wen die dameskompetisie en Ronnie Möhr die seniors met 'n mooi 2.25kg Galjoen. 

Na afloop van die inweeg is daar ouderwoonte lekker saamgekuier met 'n heerlike paar skape op die spit om die aand mee af te sluit. Saterdag, 10 Oktober hengel hulle teen Alpha en die Weermag. Die klubtrekking vir hulle “Big Draw”-kompetisie gaan op dieselfde aand om 20:00 plaasvind.

Hardus Botha

Barry Muller (Kompetisiewenner en Swaarste Sak)
Mike White (links), saam met Jaques Nel van Goodwood, 2de plek
Tony Hoogendijk, 3de plek met grootste vis - steenbras (3.7kg)
Ronnie Möhr, Seniorwenner - galjoen (2.25kg)