Melodrama 2015 TOPS

Melodrama 2015 TOPS

Gansbaai Courant

Melodrama Kinder Trust se aanbieding van Melodrama 2015, onder leiding van JP Coetzer as voorsitter, kan weer eens hoog aangeskryf word. Die sowat 40+ spelers het gewys dat hulle maandelange inoefening sedert April vanjaar alles die moeite werd was. Die 24 liedere wat deur hulle aangebied is, is met groot applous deur die gehoor ontvang.

Raadsdame Nicolette Botha-Guthrie, Uitvoerende Burgemeester van die Overstrandse Munisipaliteit, het die volgende e-pos aan JP gestuur: Beste JP. Baie dankie vir die geleentheid om weer eens 'n heerlike aand in die geselskap van Gansbaai Melodrama deur te bring. Dra asseblief ook my gelukwense oor aan elkeen wat 'n bydrae gelewer het tot die goeie program, sowel as die hoë gehalte van die produksie. Gansbaai het beslis talent en ek is trots daarop dat dit ook op hierdie wyse aangewend word. Dankie en baie geluk. Groete!

Wilna Snyman, welbekende aktrise, het die Gala-aand saam met Raadsdame Nicolette Botha-Guthrie bygewoon. Sy het die volgende sms aan JP gestuur: “My liewe JP en geselskap. Na gisteraand se magiese ervaring in Gansbaai moet niemand ooit weer vir my probeer oortuig dat MAGIC ‘dood’ is nie! Want ek weet verseker dat dit springlewendig is en êrens in die mistieke ruimtes van Gansbaai skuil om ons so af en toe te besoek en ons lewens aan te raak en ons op reis te neem na ‘n Sprokiesland. Het met Nicolette gepraat en sy stem saam dat julle groter blootstelling verdien. So kom ons kry die bal aan die rol en kyk of julle dit nie dalk na Hermanus kan bring nie!? Wie weet? Ons kan ten minste probeer, dis die moeite werd, of hoe? Innige liefde en waardering vir ‘n pragtige eksotiese, stylvolle en asemrowende aand se vermaak. Liefde wense, Wilna Snyman.” Veel meer kan daar nie oor ‘n puik en professionele aanbieding gesê word nie. Pragtige ruikers is aan Raadsdame Nicolette Botha-Guthrie, Wilna Snyman en Roza Rabe oorhandig. Die vele borge wat betrokke was, se name het in Melodrama 2015 se eie koerantjie verskyn, maar volledige bedankings sal later gepubliseer word.

Melodrama Kinder Trust is 'n nie-winsgewende organisasie wat deur lede van die publiek bestuur word. Fondse word gegenereer deur donasies uit die gemeenskap. Talle lede uit die publiek neem deel aan hierdie produksie en sit baie tyd en oefening in om hierdie ongelooflike produksie elke jaar moontlik te maak. Die fondse word gebruik om minder bevoorregte kinders met klere, kos en veel meer te help. Enige donasie, maak nie saak hoeveel nie, sal opreg waardeer word en aangewend word om 'n minder bevoorregte kind te help.

Donasies kan inbetaal word by: Gansbaai Melodrama Kinder Trust; Nedbank; Takkode 147005; Tjekrekening 1345054238. Vir enige navrae rakende die Trust kan JP Coetzer by 083-274-9674 gekontak word, of skakel vir Heidi Visser by 082-415-5517.

Hardus Botha

Melodrama 2015 TOPS

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Ladies Pizza-'n-Wine Evening

Ladies Pizza-'n-Wine Evening

Wednesday, 25 October 2017.

Pieta's Restaurant
New: Coffee in a cone

New: Coffee in a cone

The worlds most instagrammable coffee!

Tuscany Coffee Shop
African Penguin Awareness Day

African Penguin Awareness Day

Celebrating African Penguin Awareness Day.

Legal Snippets

Legal Snippets

FAILING TO DISCLOSE OR PUBLISH YOUR COMPANY'S STATUS ON CORRESPONDENCE AND ELECTRONIC COMMUNICATION.

Richards Attorneys
Bio-Curcumin Now Available

Bio-Curcumin Now Available

Bio-Curcumin now available at Tranquility Wellness Spa!

Great Review

Great Review

One for Gansbaai and its PEOPLE.

Blue Goose
See All Articles