Balletjies vlieg vir HaS

Die gholfballetjies het behoorlik gevlieg tydens Herberg-aan-See (HaS) se suksesvolle Badisa / OK Foods HaS-Gholfdag. Hierdie “2 Ball American Scramble” op 3 Oktober vanjaar was die tweede kompetisie van hierdie aard ten bate van HaS wat deur John van Rooyen, Bestuurder: HaS geïnisieer is. Tussen homself en Anita van Dyk, asook vele andere is daar hard gewerk - met groot suksesse as beloning.

“Te danke aan ons Hoofborg, Gansbaai OK Foods, kon dit nie anders as om ‘n suksesvolle dag te wees nie,” sê John. “Hulle het uit hul pad gegaan met vele reëlings en pryse.”

Die ontbyt en middagete is deur Gansbaai OK Foods geborg, asook 20 x geskenkpakke/hampers plus 2 x halwe skape, asook die 9de putjie wat deur hulle geborg is. Ander pryse wat nie te versmaai was nie, was 2 x wenpryse by Club Mykonos Langebaan; Dyer Island Cruises (Walviskyk Safarie vir 2 persone); White Shark Tours (Haaihok-duik vir 2 persone); Strandskloof Karavaanpark (gratis naweek); 1 x geslagte rooibok; 1x geslagte springbok; Guano Organics Kunsmis-mengsel. Nog borge was Dr Frans en Nicolene Richards, AVBOB, Kleinbaai Superette, Drankwinkel en Motorhawe, HaS Beheerraad, Drs Marina Barnard en Russel Reuvers, Dr Christo Barnard, Lighthouse Tavern en Jo Signs.

“Baie dankie ook aan die Bestuur van Gansbaai Gholfklub vir hulle puik reëlings en die borg van die baanfooie, asook aan Bev Swart vir die hantering van die veiling en Annatjie Germishuys en haar Goue Hande helpers met ontbyt en middagete,” sê John. Hy en Anita sê hulle kan nie genoeg dankie sê vir al die borge en ondersteuning nie. “Ek glo dat hierdie dag in die toekoms met almal se ondersteuning en betrokkenheid net kan groei,” sê John.

 Hardus Botha

Gansbaai Balletjies vlieg vir HAS 6
Gansbaai Balletjies vlieg vir HAS 1
Gansbaai Balletjies vlieg vir HAS 2
Gansbaai Balletjies vlieg vir HAS 3
Gansbaai Balletjies vlieg vir HAS 4
Gansbaai Balletjies vlieg vir HAS 5
Gansbaai Balletjies vlieg vir HAS 7
Gansbaai Balletjies vlieg vir HAS 8
Chris en Petra van Rensburg Hoofborg: OK Foods
Gansbaai Balletjies vlieg vir HAS Collage_1