Die see was die naweek van 3 Oktober 2015 erg omgekrap, maar die Birkenheaders het nie té sleg gevaar nie.
Die Birkenhead Boothengelklub het die jaarlikse King of the Bay Kompetisie aangebied (Gansbaai Courant, Donderdag, 8 Oktober 2015), maar die kompetisie was terselfdertyd deel van die klub se interne maandelikse boothengelkompetisies.
Net 4 bote het ingeskryf en 3 het ingeweeg, met ‘n totale bemanning van 13 wat deelgeneem het, waarby 2 dames ingesluit was. 5 verskillende spesies is ingeweeg en die totale aantal vis was 33 met 'n totale massa van 28.65kg, wat ‘n gemiddeld van 2.20kg per hengelaar beteken. Volledige uitslae is soos volg: swaarste vis, Johan Burmeister (Rooi Stomp - 2.35kg); 2de swaarste vis, Henri Punt (Rooi Roman - 2.05kg); swaarste sak (9.20kg), Johan Burmeister; 2de swaarste sak (5.15kg), Henri Punt; swaarste boot-gemiddeld (7.05kg), Nu Nu van Johan Burmeister; 2de swaarste bootgemiddeld, Relêks 2 van Jean Downing; Dame Swaarste sak (1.95kg), Dixie Walsh.
Die 1ste 3 voorlopers in die onderskeie kategorieë is: Bootkampioene - Nu-Nu van Johan Burmeister (54.93kg), Relêks 2 van Jean Downing (36.98kg); Oupa van Ben Uys (32.72kg), Mans Visvang-kampioene - Johan Bur-meister (58.20kg), Philip Fourie (54.05kg), Jean Downing (41.80kg); Dame Visvangkampioen - Dixie Walsh (19.75kg); Junior Visvangkampioene - JP Uys (33.45kg), Hennie Groenewald (24.85kg). Die volgende boothengelkompetisie is vir Saterdag, 7 November 2015 geskeduleer, met ‘n gesellige aandfunksie die aand. Kennis kan nou reeds geneem word van die Birkenhead Boothengelklub se Algemene Jaarvergadering wat op Vrydag, 13 November sal plaasvind, met die Jaareindprysuit-delingsfunksie op Saterdag, 14 November.
Klubnavrae en funksie-besprekings kan aan Philip Fourie, voorsitter, by 082-747-3634 gerig word, met kompetisie-navrae Johan Burmeister by 082-895-7647 gekontak word.
Hardus Botha
