Academia se 2015 Valedictory-dag

Vrydag, 16 Oktober het Academia formeel die matriekgroep van 2015 gegroet. Die eerste vak, RTT prakties, is reeds op Maandag, 19 Oktober geskryf. Die eksamen begin dan in alle erns op die 28ste Oktober.

Vanjaar was die leerders weer getrakteer op ‘n heerlike ontbyt by Wimpy vanwaar die tradisionele “dorploop” begin het. Soos die groep in die Hoofstraat afgeloop het, het mense gewaai en gegroet. Danksy die Verkeersdepartement was daar geen ongelukke nie.

By die skool het leerders hul eksamennommers ontvang. Die hoofmeisie, Jenica Conradie en hoofseun, Verreynne van Tonder, het elk ‘n roerende toespraak gelewer waar hulle beklemtoon het hoeveel geleenthede die skool leerders bied. Tydens die geleentheid het die hoof, mnr Tommy Wilson, twee spesiale pryse oorhandig. Die eerste was vir die “Proud Sharkie” wat vanjaar gedeel word tussen Simphiwe Yana en Malcolm Mulope. Dan is daar die tong in die kies prys aan die “Deurmekaarste Sharkie.” Die trotse titel het vanjaar aan Lucky Meje gegaan. Lucky is ‘n jong man wat van graad agt af altyd gevra het: "maar hoekom....?" Die personeel gaan hom baie mis.

Met dié geleentheid wil die skool graag beklemtoon hoe belangrik die gemeenskap se betrokkenheid by die skool is. Die skool is dankbaar vir almal wat ‘n aandeel gehad het in die vorming van vanjaar se matrieks oor die afgelope vyf jaar van hul hoërskoolloopbaan.

Liezel Mostert

Gansbaai Academia se 2015 Valedictory dag 1
Gansbaai Academia se 2015 Valedictory dag 2
Gansbaai Academia se 2015 Valedictory dag3
Gansbaai Academia se 2015 Valedictory dag 4
Gansbaai Academia se 2015 Valedictory dag 5
Gansbaai Academia se 2015 Valedictory dag 6
Gansbaai Academia se 2015 Valedictory dag 7
Gansbaai Academia se 2015 Valedictory dag 8
Gansbaai Academia se 2015 Valedictory dag 9
Gansbaai Academia se 2015 Valedictory dag 10
Collage Monica Hayes