Met die Birkerhead Boothengelklub se laaste boothengelkompetisie vir 2015 op 31 Oktober 2015, is die koeël nou deur die “vis” wat betref die jaar se kampioene. 4 bote het ingeskryf en 3 het ingeweeg, met ‘n totale bemanning van 15 wat deelgeneem het, waarby 2 juniors ingesluit was.
7 verskillende spesies is ingeweeg en die totale aantal vis was 70 met 'n totale massa van 54.8kg, wat ‘n gemiddeld van 3.65kg per hengelaar beteken. Volledige uitslae is soos volg: swaarste vis, Ben Uys (Silvervis - 2.95kg); 2de swaarste vis, Boetie Wessels (Rooi Roman - 2.1kg); swaarste sak (10.2kg), Ben Uys; 2de swaarste sak (8.1kg), Danie Fourie; swaarste bootgemiddeld (7.93kg), Oupa van Ben Uys; 2de swaarste bootgemiddeld (2.75kg), Liro van De Wet Gilliomee; Junior Swaarste sak (7.15kg), JP Uys (Jnr). Die 1ste 3 voorlopers in die onderskeie kategorieë is: Bootkampioene - Nu-Nu van Johan Burmeister (57.23kg), Oupa van Ben Uys (40.65kg), Relêks 2 van Jean Downing (36.98kg); Mans Visvangkampioene - Johan Burmeister (60.59kg), Philip Fourie (56.85kg); Ben Uys (45.65kg); Dame Visvangkampioen - Dixie Walsh (19.75kg); Junior Visvangkampioene - JP Uys (40.6kg), Hennie Groenewald (31.2kg). Nou-ja, nou kos dit nie veel dinkwerk om te wonder oor die trofeë tydens die jaareindfunksie nie. Die volgende boothengelkompetisie is vir Saterdag, 5 Desember 2015 geskeduleer, wat dien as die eerste kompetisie vir 2016.
Die Birkenhead Boothengeklub se Algemene Jaarvergadering sal op Vrydag, 13 November 2015 om 19:00 plaasvind, met die Jaareind- en Prysuitdelingsfunksie op Saterdag, 14 November om 19:00. Klub- en Jaareindnavrae kan aan Philip Fourie, voorsitter, by 082-747-3634 gerig word, met kompetisie-navrae aan Johan Burmeister by 082-895-7647.
Hardus Botha
