Die Birkenhead Boothengelklub is waarskynlik die enigste klub wat aan die einde van ‘n jaar reeds hulle eerste boothengelklubkompetisie vir die volgende jaar laat plaasvind. So het hulle eerste kompetisie vir 2016 reeds op 5 Desember vanjaar plaasgevind. Die hengelaars was redelik tevrede met hul vangstes, al het hulle bykans “uitgebraai” op die bote. Die pragtige getal van 7 bote het ingeskryf, waarvan 6 ingeweeg het.
Die totale aantal bemanning was 23, waarby 2 juniors en 2 dames ingesluit was. 9 verskillende spesies is ingeweeg en die totale aantal vis was 116 met 'n totale massa van 76.65kg, wat ‘n gemiddeld van 3.33kg per hengelaar beteken.
Volledige uitslae is soos volg: swaarste vis, Philip Fourie (Rooi Roman - 1.75kg); 2de swaarste visse, Charlo Viljoen (Gurnit - 1.5kg) en Leon Engelke (Kabeljou - 1.5kg); swaarste sak (7.25kg), Ben Uys; 2de swaarste sak (7.15kg), Philip Fourie; swaarste bootgemiddeld (6.68kg), Nu-Nu van Johan Burmeister; 2de swaarste bootgemiddeld (6.51kg), Oupa van Ben Uys; Junior swaarste sak (6.9kg), JP Uys. Die 1ste 3 voorlopers in die onderskeie kategorieë vir 2016 is: Bootkampioene - Nu-Nu van Johan Burmeister (6.68kg), Oupa van Ben Uys (6.51kg); Relêks 2 van Jean Downing (4.99kg); Mans Visvangkampioene - Ben Uys (7.25kg), Philip Fourie (7.17kg), Danie Fourie (6.95kg); Dame Visvangkampioen - Dixie Walsh (2.95kg); Junior Visvangkampioene - JP Uys (6.9kg), Hennie Groenewald (5.7kg). Die volgende boothengelkompetisie is vir Saterdag, 9 Januarie 2016 (nie die 2de Januarie nie) geskeduleer.
Klubnavrae en funksie-besprekings kan aan Philip Fourie, voorsitter, by 082-747-3634 gerig word, met kompetisie-navrae aan die nuutverkose Wedstrydsekretaris, Jean Downing by 076-840-3393.
Hardus Botha
