Dit is reeds vir ’n etlike paar jaar die instelling by Laerskool Gansbaai om leerders, wat geen inskrywings vir die hele jaar op hul insidenterings-gedragkaart gehad het nie, te beloon.
Hierdie jaar was geen uitsondering nie en “The Boathouse” in Gansbaai-hawe het vir die tweede agtereenvolgende jaar ons leerders bederf met ’n geskenkbewys van R50. Ongeveer 80 leerders, vanaf Graad 1 tot Graad 7, het in aanmerking gekom vir hierdie geskenkbewys, wat hul tot en met 31 Desember 2015 kan gebruik inruil vir iets te ete by Boathouse.
‘n Hartlike dank aan Irma Kriel en haar span wat + R4 000 se etes aan hierdie leerders skenk! Ons waardeer jul positiewe insette om goeie gedrag aan te wakker by Laerskool Gansbaai. Op die foto is drie van die vriendelike dames wat die leerders hierdie vakansie sal bedien by “The Boathouse”!
Annette Wessels
