Mej SA Finalis ou Gansbaaier

Mej SA Finalis ou Gansbaaier

Gansbaai Courant

Een van Mej Suid-Afrika se 2016 Finaliste, Marciel Hopkins (22) van die Paarl, ken hierdie wêreld reeds van kindsbeen af en is tans met vakansie in Franskraal. “Ons familie hou al 20 jaar hier vakansie. My oupa, Henry Hopkins, het oorspronklik ‘n huisie in Uilenkraalsmond Vakansie-oord gehad, maar nou het my ouers, Charles en Annaline Hopkins, 'n strandhuis in Franskraal,” vertel Marciel. “Ek is wel hier om te rus en saam met my familie te ontspan, maar dit beteken nie dat ek niks moet doen nie en daarom sal ek graag by enkele gebeure in Gansbaai betrokke wil raak.”

Marciel het dus van kleins af hier vakansie gehou en sy onthou nog hoe primitief haar ma haar badwater vir haar moes warm maak. In 2014 het Marciel haar BA Drama-graad aan die Universiteit van Stellenbosch voltooi, waar sy ook Primaria van die dameskoshuis, Huis ten Bosch in Stellenbosch was. Aan die einde van 2015 het hierdie aantreklike slimkop ook haar Sielkunde Honneurs te Stellenbosch verwerf. Gedurende die jaar het sy ook as vrywilliger beroepsvoorligting in Kayamandi vir Gr 9 leerders aangebied. “My passie in die lewe is opvoeding en die ontwikkeling van vaardighede en my belangrikste boodskap aan Suid-Afrika se vroue is: Moet nooit beperkinge vir jouself stel nie, droom groot en werk hard om dit ‘n realiteit te maak!”                                               

Marciel het haarself beskeie aan Gansbaai Courant bekendgestel en gemeld dat sy graag iewers betrokke wil raak. Groot fout, want sy ken Gansbaai nie goed genoeg nie - skielik moes sy etlike dagboekaantekeninge maak: beoordeling van Mnr en Mej Uilkraal, medalje-oorhandigings by Gansbaai Lionsklub se Oujaars-Halfmarathon, besoeke aan Herberg-aan-See Tehuis vir Bejaardes, Gansbaai Toerisme en die Kersmark en dalk nog meer. Gansbaai Courant het ook met Dyer Island Cruises van Wilfred Chivell gereël vir ‘n eko-walvisbesigtingings bootrit. Alle sterkte word Marciel vir 19 Maart 2016 toegewens wanneer Mej Suid-Afrika 2016 aangewys sal word - Gansbaai sien uit na ‘n Mej Suid-Afrika wat so goed bekend is met die omgewing hier.                                                                    

Hardus Botha

Mej SA Finalis ou Gansbaaier

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

DIY Handy Hints #05

DIY Handy Hints #05

Here's how to get rid of dents in your wooden furniture!

Gansbaai Build It
See All Articles