Drie musiekleerders van die Akademie vir Kontemporêre, Jazz & Gospel Musiek van Suid-Afrika (ALMSA), onder leiding van Pieter van der Merwe van Kleinbaai, het onlangs hulle musieksertifikate ontvang.
Die musiekeksamens is in Kaapstad afgelê en die eksaminatrise was Annie van Schalkwyk van die Kaap.
Die trotse musiekleerders wat elk met ‘n sertifikaat vir hulle getroue werk beloon is, is Tiaan Boshoff - Gr 2 Sang - Goue Ererol (93%); Janika van Niekerk - Gr 4 Klawerbord - Ererol (90%); Zulene van Niekerk - Gr 6 Klavier - Ererol (91%).
Pragtige prestasies waarop hierdie musiekleerders baie trots kan wees.
Die twee Van Niekerk dametjies, Janika en Zulene, neem al vir die afgelope 6 jaar musiek by Pieter en het al verskeie musiek- en teorie-eksamens onder sy leiding by ALMSA afgelê.
Die jonge heer, Tiaan, is nou in sy tweede jaar by Pieter.
Belangstellendes kan vir Pieter van der Merwe by 072-390-8084 vir verdere inligting kontak, of ‘n e-pos kan aan hom by almsa@mweb.co.za gestuur word.
Hardus Botha