Gansbaai se nuwe Fisioterapeut

Gansbaai se nuwe Fisioterapeut

Gansbaai Courant

Esti Claassen (30), ‘n gekwalifiseerde fisioterapeut, het besluit om skouer aan die wiel te sit en haar fisioterapie-praktyk, Esti Claassen Fisioterapie, in Gansbaai se wiele aan die rol te sit.

Einde van 2011 het sy haar studies aan die Universiteit van Pretoria voltooi, waarna sy gedurende 2012 haar verpligte praktiese jaar moes deurloop. Dit was haar sogenaamde “gemeenskapsjaar” en sy het haar prakties by Eerste Rust Kliniek in Pretoria deurloop. Gedurende 2013 was Esti by die Wilgers Hospitaal in Pretoria-Oos werksaam, waarna ‘n droom van haar bewaarheid is - om met gestremde kinders te kon werk. Sy is in ‘n pos by Pretoria Skool vir Gestremde Kinders aangestel waar sy werksaam was totdat sy en haar eggenoot, Cobus Claassen (30) en hulle 1-jaar oue seuntjie, Franko gedurende die tweede helfte van 2015 vanaf Centurion na Gansbaai verhuis het. Cobus het verlede jaar as apteker van die Arrie Nel Apteekgroep die leisels in Gansbaai Apteek oorgeneem. Nou het Esti met haar fisioterapie-praktyk in Gansbaai Apteek begin, waar sy enige vorme van fisioterapie aanbied. Sy het reeds begin, maar tans geskied besoeke aan haar op ‘n kontantbasis, wat dan by mediesefondse ingedien kan word. “Ek is reeds by die Raad geregistreer, maar die Raad moet nog net my praktyk by mediesefondse registreer alvorens ek self kan eis,” sê Esti. “Sodra die registrasie dus gedoen is, sal my praktyk by alle mediesefondse ingeskakel wees, wat sake vir my pasiënte heelwat sal vergemaklik.”

Haar voorliefde is sonder twyfel in kinders, vir wie sy baie lief is, gesetel en sy sê sy sal graag in die toekoms daarin wil spesialiseer, veral met gestremde kinders. Sy wil ook graag by die dorp en die gemeenskap betrokke raak, veral ook by skole ten opsigte van sport. “Verder wil ek ook graag ‘n diens aan bejaardes in die sin van groepsklasse of -behandelings by die Tehuis vir Bejaardes lewer, asook tuisbesoeke doen,” vertel sy.  

“Ek hou van langtermyn behandelings soos rehabilitasie van pasiënte wat beroertes gehad het of selfs amputasies en verlamming as gevolg van ernstige beserings.” Dan help Esti ook graag in gevalle van longkwale soos bronchitis, longontsteking en dies meer. “My droom vir my praktyk in Gansbaai is om deel van die gemeenskap te word en deur middel van ‘n gawe wat God aan my toevertrou het, mense te help wat seer het.” Vir verdere inligting en/of afsprake kan Esti Claassen by 060-732-9010 geskakel word, óf stuur ‘n e-pos aan haar by esticlaassenphysio@gmail.com.

Hardus Botha

Gansbaai se nuwe Fisioterapeut

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

New: Coffee in a cone

New: Coffee in a cone

The worlds most instagrammable coffee!

Tuscany Coffee Shop
African Penguin Awareness Day

African Penguin Awareness Day

Celebrating African Penguin Awareness Day.

Legal Snippets

Legal Snippets

FAILING TO DISCLOSE OR PUBLISH YOUR COMPANY'S STATUS ON CORRESPONDENCE AND ELECTRONIC COMMUNICATION.

Richards Attorneys
Bio-Curcumin Now Available

Bio-Curcumin Now Available

Bio-Curcumin now available at Tranquility Wellness Spa!

Great Review

Great Review

One for Gansbaai and its PEOPLE.

Blue Goose
Blue Flag Status for Marine Dynamics & Dyer Island Cruises Vessels

Blue Flag Status for Marine Dynamics & Dyer Island Cruises Vessels

Blue Flag status for Marine Dynamics and Dyer Island Cruises for the second year running...

See All Articles