Wie kan ooit GOD se grootheid verstaan?

Wie kan ooit GOD se grootheid verstaan?

Gansbaai Courant

“Almal was verslae oor die grootheid van GOD.” (Luk 9:43) 

“O diepte van die rykdom en wysheid en kennis van GOD! Hoe ondeurgrondelik is sy oordele, hoe onnaspeurlik sy weë!” (Rom 11:33) 

Ai, as ek so luister na mense wat stry en redeneer oor GOD en geloof, oor wie reg is en wat is die beste dan besef ek maar net weer: Ons sal nooit die grootheid van GOD kan verstaan of bepaal nie. Wat my dan dadelik gerus maak en veilig laat voel, want hoe goed is dit dan nie om oor te gee aan die krag en wysheid van ons Skepper nie!

Julle weet almal hoe groot die walvisse is wat hier by ons rondswem in die see. Hulle is groter as tien olifante saam! En die blouwalvis is nog twee keer so groot soos die Noordkaper (Southern Right Whale)! En die walvis is nie eers so groot soos ’n berg nie. As jy 100 blouwalvisse in een groot emmer kon sit, kon jy een miljoen emmers vol in ’n uitgeholde berg Everest sit!   Maar 100  berg Everest opmekaar gestapel maak net  ’n klein kolletjie op die aarde!

Jy kan een miljoen aardes in die son inpas. Maar die son is maar ’n medium grootte ster en 50 miljoen sonne kan in die super-ster Antares inpas! Sjoe! En as jy op ’n mooi aand in die lug opkyk en na die Melkwegstelsel kyk is dit biljoene sterre, insluitende Antares, sowel asteroïede en komete wat ons Melkwegstelsel vorm. Ons heelal word deur biljoene sulke sterrestelsels gevorm. En nog steeds is daar  meer oop spasie en leë ruimtes in die heelal as sterrestelsels! Die afstand van een sterrestelsel na ’n ander is amper ondenkbaar. En wie het dit alles geskep?

GOD is die Skepper van die heelal! Hy het ’n woord gespreek en alles het ontstaan. Hy is groter as die heelal en is orals teenwoordig – ook nou op hierdie oomblik in jou lewe! En weet jy wat? Hy gee om vir jou! Hy sorg vir jou elke dag. Hy het belowe dat NIKS jou uit Sy Hand kan ruk nie! Al is jy soos ’n sandkorrel, ’n stoffie op die aarde, sê GOD dat jy kosbaar is! (Jes. 43:4). Hy het jou lief! (Jes. 62:4 en Joh. 3:16)

Hou op, net daar waar jy is, om jou oor alles te bekommer en te wonder wat gaan gebeur! GOD, ons Vader, is in beheer! Hou op om te stry met ander oor geloof, want jy weet dat die verlossing in Jesus Christus, jou vrymaak van sonde en jou ’n oorwinnaar maak. Jy het alles wat jy nodig het – ja, net wat jy nou het, is waarmee GOD jou seën en die beste kom nog! Gee jou hele pakkie aan Hom oor en begin om elke dan  voluit te leef met die liefde van Jesus in jou hart.

GOD is GROOT! GOD is GOED!

Wie kan ooit GOD se grootheid verstaan?

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Grootbos wins WTM Responsible Tourism Award

Grootbos wins WTM Responsible Tourism Award

The past weekend saw the World Travel Market gather for the annual WTM Responsible Tourism Awards.

Marine Dynamics Receives Award at World Travel Market in London

Marine Dynamics Receives Award at World Travel Market in London

South Africa and Gansbaai remained in the spotlight at the World Travel Market London 2017.

Earning our colours, a quick guide to our age

Earning our colours, a quick guide to our age

This is a quick guide to assist you with African penguin age identification tips.

Build It Has a New Website!

Build It Has a New Website!

The Build It group has launched a new website!

Gansbaai Build It
Whale Watching Trip 01 November 2017

Whale Watching Trip 01 November 2017

Today was another picture perfect day on the ocean, with us having a wide variety of spectacular sightings…

Win R20 000 for the cause you support

Win R20 000 for the cause you support

MySchool MyVillage MyPlanet is celebrating 20 years of giving back and you could win R20 000 for the cause you support and a Woolies gift card for yourself!

See All Articles