Op 6 Februarie het die Birkenhead Boothengelklub hul 3de boothengelkompetisie aangebied. Die hengelaars was redelik tevrede met hul vangstes, maar dit was nie waarop hulle gehoop het nie. Die mooi getal van 6 bote het ingeskryf, waarvan almal ingeweeg het.
Die totale aantal bemanning was 18, waarby 2 juniors ingesluit was. 5 verskillende spesies is ingeweeg en die totale aantal vis was 64 met 'n totale massa van 43.7kg, wat ‘n gemiddeld van 2.43kg per hengelaar beteken.
Volledige uitslae is soos volg: swaarste vis, Philip Fourie (Rooi Roman - 1.95kg); 2de swaarste vis, Johan Burmeister (Rooi Stompneus - 1.90kg); swaarste sak (8.55kg), Philip Fourie; 2de swaarste sak (8.30kg), Johan Burmeister; swaarste bootgemiddeld (8.43kg), Nu-Nu van Johan Burmeister; 2de swaarste bootgemiddeld (4.38kg), Relêks 2 van Jean Downing; Junior swaarste sak (0.65kg), JP Uys.
Die 1ste 3 voorlopers in die onderskeie kategorieë vir 2016 is: Bootkampioene - Nu-Nu van Johan Burmeister (18.86kg), Relêks 2 van Jean Downing (14.46kg), Oupa van Ben Uys (10.80kg); Mans Visvangkampioene - Johan Burmeister (19.40kg), Philip Fourie (18.30kg), Jean Downing (17.40kg); Dame Visvangkampioen - Dixie Walsh (2.95kg); Junior Visvangkampioene - Hennie Groenewald (9.25kg), JP Uys (7.55kg).
Die volgende boothengelkompetisie is vir Saterdag, 5 Maart 2016 geskeduleer, met ‘n aandfunksie daarna.
Klubnavrae en funksie-besprekings kan aan Philip Fourie, voorsitter, by 082-747-3634 gerig word, met kompetisie-navrae aan die Wedstrydsekretaris, Jean Downing by 076-840-3393.
Hardus Botha
