Rolbalnuus

Franskraal Rolbalklub beleef tans ‘n bedrywige tyd met ‘n geslote driespel toernooi wat aangebied is, asook ‘n pretdag wat daarop gemik was om belangstelling in rolbal aan te wakker.  Dit het behels dat rolbalspelers saam met vriende aan ‘n rolbaltoernooi met ‘n verskil kon deelneem.  Spanne bestaande uit twee rolbalspelers en twee "onervare" vriende is saamgestel waar die ervare spelers nie in hulle spanposisies gespeel het nie.  Dit het gesorg vir ‘n prettige en genotvolle dag wat daarin geslaag het om belangstelling by etlike nuwelinge te kweek.

Op 20 Februarie 2016 is ‘n ope driespel toernooi aangebied waarin ses spanne van Bonnievale, vyf van Franskraal, twee van L’Agulhas en een van die borg, Thorburn Securities deelgeneem het.  Die borg, F C Smit was ook teenwoordig en verskyn saam met Pieter Conradie (President) op die meegaande foto. 

Die pryswenners was ‘n span van  Bonnievale bestaande uit Koos Wentzel, Josua Joubert en JD Wentzel in die eerste plek, gevolg deur L’Agulhas se Elsa van Tonder, Jantjies en Johna Giliomee in die tweede plek, met Franskraal se Piet du Toit, John Grönbeck en Theuns Roodman in die derde plek.

Die dag is afgerond met ‘n heerlike spitbraai ook aangebied en geborg deur Thorburn Securities.

Pieter Conradie

FC Smit en Pieter Conradie
Vlnr: Dolf Scheepers en Annie Smit (verteenwoordigers van die borg), Josua Joubert, Koos Wentzel en JD Wentzel