22 Februarie is die dag waarop Academia sy verjaardag vier en vanjaar is dit presies ses jaar gelede wat premier Helen Zille die skool amptelik kom open het. Van ‘n begin met net oor die 350 leerders het die skool oor die ses jaar gegroei tot oor die 800 leerders. Die dag word tradisioneel gevier met die leerders wat hul klaskamerdeure opmaak en kyk watter klas het die mooiste koek.
Oor die afgelope ses jaar was daar heelwat berig oor die skool en sy doen en late. Van hoogtepunte en prestasies en geskiedenis wat gemaak word. In die tydperk is daar reeds tradisies vasgetrap soos die Maandag-saalbyeenkoms, die graad 8-inlywingseremonie, die Prestige aand en moenie van die “dorploop” van die matrieks vergeet nie.
Dis skool is ‘n ware susksesverhaal en versinnebeeld Suid-Afrika as ‘n reënboognasie op ‘n baie tasbare wyse. Die skool is ook baie dankbaar vir die insette vanaf die gemeenskap en plaaslike besighede en sonder hul rugsteuning sou die skool nie so suksesvol gewees het nie.
Liezel Mostert