Academia maak nog Geskiedenis

Saterdag 6 Februarie is weer geskiedenis gemaak by Academia. Die eerste interskole atletiek byeenkoms is gehou tussen Academia, Albert Myburgh (Bredasdorp) en Swartberg (Caledon). Die Driehiekige byeenkoms is deur Mnr Tommy Wilson (prinsipaal: Academia) gedoop as die SWAMGA Interskole byeenkoms. Overstrand Medical Response het ‘n pragtige skild geskenk vir die geleentheid. Hiermee ‘n groot dankie aan Riaan Buys van OMR vir sy organisasie van die dag.

Albert Myburgh het met ‘n kortkop voor Academia in die eerste plek ge-eindig. Die hoogtepunt van die dag was die aflosse en die skare was letterlik histeries, veral wanneer Academia eerste oor die wenstreep gehardloop het.

Uit die atlete was ‘n span gekies wat die daaropvolgende Saterdag op Hermanus deelgeneem het en daar was weer ‘n span gekies om Suid-Boland toe te gaan. Academia se atletiek is behoorlik aan die brand vanjaar en daar word nog groot dinge verwag van die groepie atlete.

Liezel Mostert

Mnr Wilson oorhandig die SWAMGA skild aan Albert Myburgh se spankaptein
Gansbaai Academia maak nog geskiedenis 2_1