“Dit was ‘n mooi visvangdag en goeie vis is gevang, met onder andere heelwat Silwervis,” sê Jean Downing, Wedstrydsekretaris van die Birkenhead Boothengelklub. “Die top-bote trek al hoe nader aan mekaar en die verskil is nie meer so groot nie.” Dit was die 4de boothengelkompetisie vir 2016 op Saterdag, 5 Maart op pad na die jaareind-trofeë. Die pragtige getal van 6 bote het ingeskryf, waarvan al 6 ingeweeg het. Die totale aantal bemanning was 18, waarby 1 dame en 3 juniors ingesluit was.
7 verskillende spesies is ingeweeg en die totale aantal vis ingeweeg was 170 met 'n totale massa van 129.7kg, wat ‘n gemiddeld van 7.21kg per hengelaar beteken. Volledige uitslae is soos volg: swaarste vis, Piet le Roux (Rooi Roman - 2.2g); 2de swaarste vis, Jean Downing (Silwervis - 2.0kg); swaarste sak (10.65kg), Johan Burmeister; 2de swaarste sak (9.40kg), Jean Downing; swaarste bootgemiddeld (9.65kg), Nu-Nu van Johan Burmeister; 2de swaarste bootgemiddeld (7.97kg), Relêks 2 van Jean Downing; Junior swaarste sak (6.10kg), JP Uys.
Die 1ste 3 voorlopers in die onderskeie kategorieë vir 2016 is: Bootkampioene - Nu-Nu van Johan Burmeister (28.51kg), Relêks 2 van Jean Downing (22.44kg); Oupa van Ben Uys (17.52kg); Mans Visvangkampioene - Johan Burmeister (30.05kg), Phillip Fourie (26.96kg), Jean Downing (26.80kg); Dame Visvangkampioen - Dixie Walsh (8.8kg); Junior Visvangkampioene - Hennie Groenewald (14.85kg), JP Uys (13.65kg) en Kara Engelke (4.65kg - nuwe juniorlid).
Die volgende boothengelkompetisie is vir Saterdag, 2 April 2016 geskeduleer, met ‘n gesellige funksie die aand. Klubnavrae en funksie-besprekings kan aan Philip Fourie, voorsitter, by 082-747-3634 gerig word, met kompetisie-navrae aan die Wedstrydsekretaris, Jean Downing by 076-840-3393.
Hardus Botha
