Op Saterdag 12 Maart 2016 het 14 spanne van drie spelers elk by Franskraal Rolbalklub aangemeld om aan ʼn geslote driespel toernooi deel te neem. Warwick Wealth was die borg van die toernooi op voorwaarde dat die totale borgskap aangewend word tot die voordeel van die lede. Dit het beteken dat die koste koffie/tee en beskuit voor spel, toebroodjies tydens teetyd en ʼn goeie middagete gratis aan die lede voorgesit kon word. Die etes is deur Gansbaai Superspar teen ʼn baie billike prys voorsien en afgelewer.
Om sake interessanter te maak is daar volgens die 4-3-2-1- manier van telling hou, gespeel wat verbasend goeie resultate opgelewer het. Dit beteken dat die bal wat naaste aan die witte lê. 4 punte tel en so voorts, met die vierde bal wat 1 punt tel.
Na die ietwat gure weer van die vorige twee dae was Saterdag ʼn perfekte dag vir rolbal speel. Nogmaals dankie aan Warwick Wealth, Gansbaai Superspar en lede van die klub wat die dag moontlik en ʼn groot sukses gemaak het.
Die wenners was Gideon Pienaar, Brian Yarwood (van die borge) en Johan Fick in die eerste plek, gevolg deur Marius de Wit, Fred Rossouw en Roelof tweede en Mike Puttick, Victor Breach en Janetta van Niekerk derde.
Pieter Conradie, President
