Strandveld Perdryklub het pas hul eerste uitstappie vir 2016 afgelê. Die dag het afgeskop vanaf Uilenkraal, waartydens waens en perde ingespan is met die Klub se wa as “backup” voertuig. Die roete was al langs die Avoka pad verby Papiesvlei om na die plaas waar Grewe en Ilse van Dyk woon.
Met aankoms is die diere afgesaal en versorg en kamp opgeslaan . Almal het sommer dadelik soos een span aan die werk gespring om te help waar hul kon met die voorbereiding van die 3 potte en varsgebakte brood vir aandete. Grewe het gesorg vir musiek en so tussen deur die geselligheid om die vuur was daar lekker gedans. Graag wil die Voorsitter Japie Swart van die geleentheid gebruik maak om die volgende persone te bedank: die mede bestuurslede Henk en Eljoh Smit wat leiding geneem het met al die reёllings vooraf en tydens die kommando, dit het bygedra tot die groot sukses daarvan, vir Grewe en Ilse van Dyk, wat oornag geriewe beskikbaar gestel het en al die lede sowel as al die besoekers wat deel was van hierdie “trip”. Hy nooi ook die publiek uit om aan te sluit by die Strandveld Perdry-klub. Dit is ‘n gesins- vriendelike klub en die uitstappies word in gesinsverband gereёl.
Vir navrae kan Eljoh Smit gekontak word Tel 082 8107 687.
Madelein Swart
