Gansbaai Seevier

Gansbaai KK het die afgelope Sondag die 2015/2016 krieketseisoen op 'n hoë noot afgesluit deur Napier KK met 4 paaltjies in die 20/20 Finaal tuis te klop.

Napier KK het eerste gekolf en 131/10 (almal uit) in 19.5 boulbeurte aangeteken. Hulle het danksy goeie boulwerk deur Corrie Avenant (4-0-22-4) en Jonathan Doyle (4-0-21-2), 6 paaltjies vir slegs 13 lopies verloor. Goeie boulwerk is ook deur Gurshwin Davids (35-0-26-2) en Juan Havenga (2-0-14-1) gelewer.  

Gurshwin het 3 vangskote geneem.

Gansbaai KK het toe gaan kolf en was diep in die moeilikheid gewees op 14/3, maar goeie kolfwerk deur Corrie Avenant 63 lopies (6x4)(3x6) en Gurshwin Davids 22 (1x4)(1x6) het Gansbaai op die wenpad geplaas.

Die wenlopies is met slegs 5 balle oor aangeteken – 132/6 van 19.1 boul-beurte. Gansbaai wil dan ook die toeskouers wat hulle kom ondersteun het bedank.

Met die seisoen wat geëindig het, was Corrie Avenant (beste kolwer) 360 lopies (1 honderd-en-drie 50-talle); Jonathan Doyle (beste veelsydige speler)(230 lopies en 7 paaltjies) en Gurshwin Davids (beste bouler) 20 paaltjies.

Sportiewe groete,
Heinrich Vermeulen

Gansbaai se bekerwenner-krieketspan, met voor vlnr Theuns Otto, Corrie Avenant (kaptein) en André Hage. Agter vlnr is Johan Beets, Melvin Tobias, Gurshwin Davids, Juan Havenga, Gericke van Eck, Mark Botbyl, Christo Swart, Heinrich Vermeulen en Jonathan Doyle, met Nico Kotze wat ongelukkig agter Mark weggesteek is.
 Vlnr: Corrie Avenant (beste kolwer), Jonathan Doyle (beste veelsydige speler) en André Hage (klubvoorsitter)
Gurshwin Davids (beste bouler) en André Hage