Hawston karnuffel Black Leaves op hul tuisveld

Wie kan dit te wagte wees dat die “Kings” die gedugte “Lions” kan klop? Nie veel nie. Hawston, een van die beste spanne in die kompetisie het hier net te veel skietgoed gehad om Black Leaves met 48-13 af  te ransel.

Black Leaves was nie naastenby die span wat daar anderkant met Caledon gaan afreken het nie. Black Leaves het vroeg die enigste voorsprong van 3-0 geniet met ‘n puik strafdoel vanuit die halfgebied. Hawston het met goeie konstruktiewe spel vorendag gekom en die drieë begin inryg. Met die groot eerste helfte telling alreeds op 26-3 was die skrif reeds aan die muur.

Met die aanvang van die tweede helfte het die Gansbaaiers steeds die groot skare vermaak met nog lekker hardloop rugby en behaal in die proses hul enigste twee drieë. Die Baai het hulself telkemale lelik in die voet geskiet met te veel verkeerde opsies wat die foute veroorsaak het. Ten spyte van die geelkaart wat Hawston se slot (No. 4) gekry het, kon die Baai dit nie uitbuit nie. Hawston is welliswaar die span met vorm in die kompetisie, maar dit gaan oor wie gaan laaste eindig en die Baai hou nie van sulke situasies nie.

Black Leaves sal egter  sy spel 120% moet opknap as hulle nog enigsins  ‘n sê wil hê in die kompetisies. Die kans is daar om komende Saterdag (30 April) teen Botrivier te gaan regmaak. Black Leaves se C & B spanne verloor ook teen Hawston.

So sê Bra “G”

Black_Leaves_Rugbyklub_1