Wildsbokkies-verhale

Wildsbokkies-verhale

Gansbaai Courant

“My bedoeling was ‘n rustige hengeldag by die sloep naby Danger Point, maar om ±07:00 die Woensdagoggend vang ek toe ‘n wildsbokkie in die see,” vertel Vonnie Le Roux van Reebokstraat, Franskraal. Vonnie het net begin gereed maak om sy lyne in te gooi, toe hy sien hoe ‘n hond die bokkie in die rigting van die see jaag. “Die bokkie het see-in gehardloop, met die hond kort agter hom,” vertel Vonnie. “Dit was ‘n ontstuimige see, maar die bokkie het beslis beter gevaar as die hond, aangesien die hond omgedraai het en ek hom verwilder het.”

Daarna is Vonnie agter die bokkie aan om hom te probeer uitbring. “Die bokkie was reeds swak en ek kon hom maklik hanteer, behalwe vir ‘n paar keer se val dat my velle waai,” vertel Vonnie. Hy het die bokkie na sy vriend, Norman Kemm in Franskraal gebring, waar hulle eers die bokkie, wat hulle aanvanklik as ‘n duikertjie geïdentifiseer het, in Norman se toegeboude agterplaas vrygelaat het om van die skok te herstel. “Ons het besluit om die bokkie later die aand in die donker vry te laat, aangesien ons naby ‘n bebosde gebied woon,” het Norman gesê. Lees hieronder dat Hennie Otto, asook Sean Privett, die bokkie as ‘n grysbokkie geïdentifiseer het. Die tweede bokkie-verhaal gaan oor ‘n bokkie wat duidelik van seewater hou. Danie en Minette Maree van De Kelders het onlangs so ±10:15 saam met familie seelangs gestap en tussen Skulpies- en Stanfordsbaai gewaar hulle toe ‘n bokkie tussen die rotse in die seewater. Bok-se-kind was egter nie in die moeilikheid nie. “Die bokkie, wat ek as ‘n bosbokrammetjie geïdentifiseer het, het in ‘n skeur by die rotse inbeweeg,” vertel Danie. “Dit het nogal gelyk asof hy die seewater geniet het en hy was beslis nie in gevaar nie.” Daar kon rustig ‘n paar foto’s van die bosbokkie tussen die rotse geneem word, voordat hy weer na groener weivelde koers gekry het.

“Ons het al bokkies in die verlede in De Kelders se omgewing gesien, maar nog nooit op of tussen die rotse teenaan die see nie,” vertel Danie. Hy sê volgens internetinligting is die gemiddelde massa van hierdie bokkies 70kg met ‘n hoogte van sowat 90cm en ‘n moontlike lewensduur van 9 jaar. Foto’s van altwee die bokkies is aan Hennie Otto (Dyer Island Conservation Trust) en Sean Privett (Grootbos Private Nature Reserve) gestuur en altwee het die eerste bokkie as ‘n grysbokkie geïdentifiseer en die tweede bokkie as ‘n bosbokrammetjie. ‘n Goeie bewys van werklike omgee, was die optrede van Glaudina en Fanie van der Westhuizen van Morkel 30, De Kelders. Glaudina het Gansbaai Courant baie verontwaardig geskakel. “Iemand moes ons bokkie gevang en geslag het, want sy velletjie lê in die oop erf onderkant ons,” het sy ontsteld gesê.

By nadere ondersoek het dit geblyk dat dit toe nie De Kelders “se bokkie” se velletjie is nie, maar ‘n inwoner wat sy motorhuis skoongemaak het en rommel saam met ‘n baie ou en verweerde bokvel daar gestort het. Die valsalarm maak nie saak nie, wat saak maak is die omgee oor die natuur en die bewaring daarvan waarop Claudina ingestel is.

Hardus Botha

Wildsbokkies-verhale

Hardus Botha

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Book Launch: Die Elfde Gebod - Gerhard Ras

Book Launch: Die Elfde Gebod - Gerhard Ras

Book Launch of Die Elfde Gebod by Gerhard Ras at Gansbaai Book Exchange 11 July 2018 18h00 for 18h30.

Gansbaai Book Exchange
Mid Winter Beach Trails

Mid Winter Beach Trails

Mid Winter in the Overberg and still wonderful weather to ride in.

Serendipity - Villa The Cherry

Serendipity - Villa The Cherry

Do you wanna hear an incredible story? Let me tell you one.. This blog is about how The Cherry came into our live.

Villa The Cherry
Latest addition to Bay Tyre's services

Latest addition to Bay Tyre's services

Bay Tyres now offers exhaust and lubrication services (minor service)!

Bay Tyres
Our gentle giants have returned!

Our gentle giants have returned!

W.e had our first official whale trip of the season and as we launched from Gansbaai harbour.

Whale Viewing 2018: A Guide to Boat-based Whale Watching

Whale Viewing 2018: A Guide to Boat-based Whale Watching

The low, bellowing call of a lone Southern Right Whale echoes through the waters of Walker Bay.

See All Articles