Lyne sing by Wes-liga

Drie klubs met 56 hengelaars en 15 bote het verlede Saterdag aan die Overberg Bootklub se Wes-liga kompetisie deelgeneem. 

Dit was die Gordonsbaai Boot- en Hengelklub, Cape Boat & Ski Boat Club en die plaaslike Overbergers.

Die onweer die vorige paar dae het bygedra tot koue en nat toestande toe die vissermanne Sondagoggend 07:00 op die see uitgaan, maar het later in die dag verbeter. Lyne-op tyd was om 15:00 en die manne by die skaal moes behoorlik bontstaan met die inwegery. Dit was nie almal wat so gelukkig was om iets in te weeg om hul punte op te skuif nie. Sewe spesies is ingeweeg en die wenner van elke spesie is:  Louis Bekker met ‘n 2.08kg Gurnett, Gustav Groenewald met ‘n 1.48kg Hotnotsvis, Chris Fourie met ‘n 1.74 Silwervis, Patric Chrisodulou met ‘n Panga van 1.02 kg, Chris Luff se Makriel wat op 1.58kg ingeweeg het, Ettiene Bruwer met ‘n Rooi Roman van 2.28kg en ‘n Rooistomp van 4.04kg vir Stephen Ashlin.

Inbraak

‘n Inbraak in een van die hengelaars se voertuie, het verhoed dat hulle aan die kompetisie kon deelneem. Hul motor was Saterdagaand voor ‘n gastehuis in Van Dykstraat, Kleinbaai, geparkeer. Klublede doen ‘n versoek op enigiemand wat inligting het oor vreemde hengelgerei om Riaan van Staden te skakel by 082 929 8688.

WP kleure

‘n Gesoute Gansbaai-visserman, Werner Groenewald (Overberg Bootklub) is gekies vir die WP Junior Span.  Sy spanmaats is Jared Zurnamer (Cape Boat) en Brad Bartlett (Gordonsbaai).  Die span neem vanaf 17 Julie deel aan die Natal Junior Game Fish toernooi in Shelley Beach, Natal. 

Enige iemand wat ‘n bydrae wil maak tot Werner se toernooikoste, kan met Riaan van Staden skakel.

Louis Bekker met sy wenvis, Ian Viljoen, K. Taljaard en O. Mostert.
Die boot “Rusty” se bemanning:  Werner van Zyl, wat gekies is vir die WP  Junior span,  Amanda van Staden  en Chris Fourie met sy 1.74 Silwervis.
“Dad’s Toy” het ook mooi visse opgelewer.  Van links:  Stephen Ashlin met sy wen-Rooistomp van 4.04kg, Lukas Holtzhausen, Johan van Zyl en Gert du Plessis (Dad’s Toy).
Gansbaai_Courant