God se gunsteling woord

God se gunsteling woord

Gansbaai Courant

“Kom na My toe, almal wat uitgeput en oorlaai is, en Ek sal julle rus gee.” (Mat 11:28)

“Kom, almal wat dors is, kom na die water toe, selfs ook dié wat nie geld het nie, kom, koop en eet; ja, kom, koop sonder geld en sonder om te betaal, wyn en melk.” (Jes. 55:1) 

“Jesus antwoord hom: As jy volmaak wil wees, gaan verkoop jou goed en gee dit aan die armes, en jy sal ‘n skat in die hemel hê; en kom hier, volg My. (Mat 19:21) 

Wat sou jy sê is GOD se gunsteling woord in die Bybel? Ja, dit is die woordjie: “Kom!” As jy noukeurig ondersoek instel sal jy agterkom dat GOD graag mense uitnooi om na Hom toe te kom. Gereeld kry ons teksgedeeltes in die Bybel waar GOD die mense uitnooi om met Hom te kom praat. Jesus self het op verskeie plekke die mense uitgenooi om na Hom toe te kom as hulle uitgeput en oorlaai is. (Mat. 11:28)

GOD is ’n GOD van uitnodigings. Hy nooi Maria uit om Sy Seun die wêreld in te bring. Hy nooi die dissipels uit om Hom te volg en vissers van mens te word. Hy nooi Thomas om sy vingers in Sy wonde te steek. GOD is dan ook die Koning wat die groot feesmaal voorberei, die tafel dek met die lekkerste kos en dan Sy kinders uitnooi om te kom aansit. (Mat. 22) Ja, as GOD jou uitnooi om by Sy tafel te kom aansit dan hoef jy nie geld te hê om wyn en melk te geniet nie – dis verniet! (Jes. 55:1)

Die grootste uitnodiging wat jy ooit sal ontvang is die dag wanneer GOD aan jou deur klop om saam met jou maaltyd te hou (Ope. 3:20) Ja, GOD wil graag hê jy moet jou lewe aan Hom oorgee sodat Hy jou Sy voluit kan laat beleef. (Joh.10:10) Die dag wanneer jy die sagte geklop  van die Heilige Gees aan jou hartkamer voel en jou hart vir Jesus gee, daardie dag breek die ware lewe van vrede en geluk vir jou oop. Daar is nie ’n groter vreugde en blydskap as om op GOD se uitnodiging te antwoord en Hom te volg met jou hart, jou gedagtes en jou hele lewe nie! Die lewe word van daardie oomblik af vir jou ’n lied. Jy ervaar ewe skielik net hoe goed dit is om GOD te dien en jou naaste lief te hê soos jouself.

Hoor jy dit? Jesus sê: “Kom na My toe en ek sal jou ware rus gee!” Gee sommer nou alles wat jou pla, alles wat jou verhinder om Hom voluit te volg, ja, gee dit alles oor aan Jesus en jy sal voel hoe die son vir jou oopbreek en die lewe ’n lied word. Kom, ek kan hoor Hy roep ons!

God se gunsteling woord

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Marine Big 5 Tours  - 18 January 2018

Marine Big 5 Tours - 18 January 2018

We had two trips out today, one in the late morning on our smaller vessel Whale Whisperer, and second on Dream Catcher...

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

See All Articles