‘n Dame is op 19 Junie 2016 vir die tweede agtereenvolgende jaar as Gansbaai Lionsklub se ses en twintigste Lionpresident ingehuldig.
Die uittredende Lionpresident, Ina Ogilvie en die voormalige Distriksgoewerneur, Heather Hartman, het die inhuldiging van die nuutverkose Lionpresident, Marietta Hattingh, waargeneem.
“Toe ek ‘n jaar en ‘n paar maande gelede na Gansbaai verhuis het, het ek in my wildste drome nie gedink ek sal vanaand hier staan nie,” het Marietta gesê. “Dankie vir die vertroue wat julle in my gestel het.”
Daarna het Marietta haar kabinet bekendgemaak: Fred van Eeden (visie-president), Boats van Staden (tesourier en projekte); Betty de Fisscher (sekretaris); Pieter de Vries (lidmaatskap en sosiaal); JB van Rensburg (leeutemmer); Geert Willems (Draaksteker). Hierdie jaarlikse prestige geleentheid is in Panorama restourant se pragtige onthaalsaal aangebied, met ‘n smaaklike drie-gang maaltyd na afloop van die verskillende seremonies.
Twee nuwe Lions, JB en Christelle van Rensburg, is ook gedurende die funksie ingehuldig en verwelkom.
Lion Ina het in haar jaarverslag na vele liefdadigheids- en fondsinsamelingsprojekte verwys. Die grootstes is die jaarlikse Halfmarathon (31 Des) en die Bergfietsmarathon (Februarie). “Baie dankie aan Gansbaai Lions wat my deur die jaar ondersteun het om ons leuse, ‘Ons Dien’ te kon uitleef,” het sy gesê. Daarna het sy die volgende trofeë oorhandig: Presidents Trofee - Betty de Fisscher; Lion van die Jaar Trofee - Boats van Staden; Projekte Trofee - Aan alle lions vir hul goeie sameweking deur die jaar (dié trofee sal in die klubsaal opgehang word).
