En dit was baie goed!

En dit was baie goed!

Gansbaai Courant

“Toe het GOD gekyk na alles wat Hy gemaak het, en dit was baie goed. Dit het aand geword en dit het môre geword. Dit was die sesde dag.”  (Gen 1:31) 

As ’n ou man het Loren Eiseley, ’n wetenskaplike, eendag op ’n verlate strand gestap en om bietjie skuiling teen die reën te kry, onder ’n ou vissersboot gaan lê en aan die slaap geraak. Toe hy sy oë oopmaak kyk hy vas in die spitsoortjies van ’n klein jakkalsie wat nuuskierig aan sy klere ruik. Die jakkalsie was nog te klein om enige vrees vir mense te hê en het met sy serp begin speel.

Op die ingewing van die oomblik het Loren begin saamspeel en sy serp weggetrek. Daar ontstaan toe ’n toutrekkery en spelery met die serp – en duidelik het die klein jakkalsie net soos hy, die oomblik geniet.....amper soos aan die begin van die skepping toe GOD na alles gekyk het wat Hy gemaak het en gesê: “Dit is nou baie mooi! Dit is goed!”

Kan jy jouself vir ‘n oomblik voorstel hoe GOD moes gevoel het toe Hy na Sy skepping kyk en alles sien wat Hy gemaak het?  Toe Hy vir die eerste keer met ’n klein bobbejaantjie speel en ’n luislang om Sy hand laat krul? Hoe het Hy nie met verwondering gekyk na die lang kameelperd en die groot olifant, die kolossale walvisse en die kleinste verkleurmannetjie, die reuse witkruisarend wat deur die lug klief en die swaeltjies wat op die lugstrome teen 200 km per uur kan vlieg, duisende kilometers ver!

Weet jy hoe lyk ’n ietermago met sy harde skubbe of ’n brulpadda met sy slymerige vel? GOD het dit self met Sy hande gevorm, of deur net ’n woord te spreek! Ek dink GOD het gebulder van die lag toe Hy sien hoe snaaks klein apies lyk as hulle so krampagtig aan hulle mamma se rug vasklou! Maar ek dink Hy kry die lekkerste as Hy sien hoe ’n mamma of pappa hulle pasgebore babatjie vashou en met liefde na hom of haar kyk!

Kan jy dalk nou op hierdie oomblik ervaar hoe GOD met liefde na jou kyk? Kan ’n Skepper ooit anders na Sy kinders kyk as met liefde en deernis, begrip en simpatie? Daar diep in die moederskoot, toe jy nog ’n baie klein, onsigbare wesentjie was, het GOD jou al geken en jou lief gehad! (Ps. 139:14,15)

Verstaan jy dalk nou hoekom Hy bereid is om net die beste vir jou te gee, al verdien jy dit nie? Sal ons ooit die intensiteit en passie van GOD verstaan as ons Johannes 3:16 lees”  “Want so lief het GOD die wêreld gehad dat Hy sy enigste Seun gegee het, sodat dié wat in Hom glo, nie verlore sal gaan nie maar die ewige lewe sal hê.”

Besef net vir oomblik hoe belangrik jy vir GOD is en dat Hy, ten spyte van al die lelike in die wêreld, vir jou net die beste wil gee.

Wees geduldig, die beste kom nog!

En dit was baie goed!

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Wake Up and Build It

Wake Up and Build It

Stop dreaming. Wake up and Build it.

Gansbaai Build It
The Secret Shark Wedding

The Secret Shark Wedding

The secret wedding at sea.  Jonathon asked Masha for her hand in marriage and as soon as she accepted, she was to be married. 

Grootbos wins WTM Responsible Tourism Award

Grootbos wins WTM Responsible Tourism Award

The past weekend saw the World Travel Market gather for the annual WTM Responsible Tourism Awards.

Marine Dynamics Receives Award at World Travel Market in London

Marine Dynamics Receives Award at World Travel Market in London

South Africa and Gansbaai remained in the spotlight at the World Travel Market London 2017.

Earning our colours, a quick guide to our age

Earning our colours, a quick guide to our age

This is a quick guide to assist you with African penguin age identification tips.

Build It Has a New Website!

Build It Has a New Website!

The Build It group has launched a new website!

Gansbaai Build It
See All Articles