Twee drieë deur die vleuel Triston Martin en ‘n doel- en strafskop, het aan Black Leaves ‘n naelskraapse oorwinning van 15-13 oor Caledon besorg.
Hierdie wedstryd was tot die einde toe in die weegskaal, nadat Brendon Lee Dickson die Baai weereens soos telke male laat ontsnap het met ‘n fatale strafskop na die pale.
Dit is glad nie die tipe wedstryde wat die span se ondersteuners wil sien nie, veral met nog so ‘n halfdosyn taai wedstryde oor waaronder Hawston die volgende een sal wees.
Na die naweek se vertoning teen Caledon, sal die Baai met veel beter vertonings vorendag moet kom as hulle nog enigsins onder die Top 4 wil eindig.
Die Baai het hul rekening goed geopen in die eerste helfte om vinnig 12 punte op die telbord te kry, maar het daarna nie te waffers vertoon om die druk meer toe te pas nie.
Met die Baai wat nie eintlik oor daardie kolosale voorspelers beskik nie, is hulle nog te geneig om deur die verdediging te gaan vir drieë, instede van hul vinnige “back line” weg te stuur.
Nietemin, elke wenuitslag bring groot verligting. Black Leaves geniet nou ‘n ruskans hierdie komende naweek en pak Hawston dan weer op 30 Julie. Sake moet nou goed uitgewerk word om Hawston te troef en sake kan gedaan wees en niks anders as groot intensiteit is nodig om die werk te gaan doen.
Black Leaves se derde span verloor 3-22, so ook die tweede span met 15-22. Komaan Manne!
So sê “Bra G”
BLACK LEAVES SE OORBLYWENDE LIGABEPALING
30 Julie - Hawston – wegwedstryd
6 Augustus Botrivier - tuiswedstryd
13 Augustus - Rangers/Bredasdorp – wegwedstryd
20 Augustus – Atlantis/Hermanus – tuiswedstryd
27 Augustus – Grabouw – wegwedstryd
10 September – Kleinmond - tuiswedstryd