Bietoubossers leer oor afval

Bietoubossers leer oor afval

Gansbaai Courant

Een dag per maand behoort aan die gesellige groep dames van die Bietoubos Damesklub van Perlemoenbaai en De Kelders.

Hulle kom in die Kleinsaaltjie van die NG Kerk bymekaar, maar nie om sommer net te “klets” nie.

Daar is altyd ‘n interessante spreker of ‘n praktiese aanbieding deur ‘n kundige, maar nie sonder verleidelike verversings en lekker saamkuier nie.

Tydens hulle byeenkoms op 12 Julie vanjaar, was die korrekte bedryf van ‘n Munisipale Stortingsterrein aan die beurt, ingesluit ‘n paar nuttige wenke wat tuis toegepas kan word.

Hierdie aanbieding is deur Johan van Taak, Vaste Afvalbestuurder: Overstrand Munisipaliteit, behartig.

Die dames het verneem dat die korrekte bedryf van ‘n stortingsterrein volgens wet moet geskied, asook die koste om elke keer ‘n nuwe sel te bou waarin vullis begrawe word.

Die belangrikheid van herwinning is: Lugspasie word by die stortingsterrein gespaar; werk word geskep; vervoerkoste word bespaar deurdat minder afval na stortingsterreine vervoer word.

Die dames het ook verneem dat daar twee houers by die stortingsterrein is:

Een vir  alle ou rekenaars en elektriese ware en een vir huishoudelike gevaarhoudende stowwe soos gif, batterye en langleef gloeilampe.

Plaaslike besighede is ook in hierdie proses behulpsaam: Gebruikte buisligte en gloeilampe kan by Gansbaai Elektries ingedien word; ou batterye by Studio Jo Signs; medikasie wat verval het by Gansbaai Apteek.

Die dames is ook aangemoedig om omgewingsvriendelike sakke vir inkopies te gebruik om plastiek-besoedeling te beperk, veral met die oog op oseaanbesoedeling.

Daar moet ook twee keer gedink word voordat artikels op die ashoop gegooi word - dit kan dalk deur iemand anders benut word.

Die Bietoubossers het net weer besef dat die koste om afvalbestuur reg te bedryf groot is en dat elke inwoner met die munisipaliteit moet saamwerk om die pragtige natuurskoon te bewaar.

Daarna is die gebruiklike verversings voorgesit en kon gesprekke met Johan aangeknoop word – met dankbaarheid dat dit nie in hierdie omgewing nodig is om oor dienste te toi-toi nie.

As gevolg van die vakansiedae sal daar nie in Augustus ‘n Bietoubosbyeenkoms wees nie, maar eers weer op 13 September.

Elizma de Lange kan by 028-384-1963 vir inligting gekontak word.

Bietoubossers leer oor afval

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Wilson Tennistoernooi te Kaapstad

Wilson Tennistoernooi te Kaapstad

Twee van ons leerders het die afgelope naweek aan dié tennistoernooi deelgeneem!

Laerskool Gansbaai
Meet Gawie, the Ambassador for the Gorgeous Gansbaai Arts Project!

Meet Gawie, the Ambassador for the Gorgeous Gansbaai Arts Project!

The Gorgeous Gansbaai Arts Project is delighted to introduce Gawie, our Ambassador!

The Gorgeous Gansbaai Arts Project is on the Move – Two New Murals in

The Gorgeous Gansbaai Arts Project is on the Move – Two New Murals in

The Gorgeous Gansbaai Arts Project is on the move, with our next two murals happening already!

WONDERFUL WEDNESDAY, 12 FEBRUARY 2025!

WONDERFUL WEDNESDAY, 12 FEBRUARY 2025!

Something beautiful happened for GGAP on Wednesday, 12 February 2025!

Mini-Krieket Wedstryde: Gansies Toon Wonderlike Sportmangees!

Mini-Krieket Wedstryde: Gansies Toon Wonderlike Sportmangees!

Die Grondslagfase-leerders het op Dinsdag, 4 Februarie, teen Hermanus mini-krieket gespeel.

Laerskool Gansbaai
SASSA DATES FOR FEBRUARY 2025

SASSA DATES FOR FEBRUARY 2025

SASSA dates for February 2025.

Gansbaai Tourism
See All Articles