Tygerberg dokters vol lof vir ons kliniek

Tygerberg dokters vol lof vir ons kliniek

Gansbaai Courant

Verskeie dokters in Tygerberg Hospitaal was vol lof vir personeellede van die Gansbaai Kliniek vir die  behandeling wat ‘n Gansbaaier kort na ‘n hartaanval ontvang het. Lucas Geldenhuys van Fountainhill, het Dondag-oggend, 29 Junie ‘n ernstige hartaanval gehad. Die korrekte en blitsige behandeling wat hy van die kliniek-personeel ontvang het, het waarskynlik sy lewe gered.

“Elke dokter wat met my kom praat het, het gevra waar was ek voordat die ambulans my na hulle gebring het,” vertel Lucas. “En elkeen van hulle het na die puik vooraf behandeling verwys.”

Lucas het die dag vantevore hard gewerk in die tuin. Die volgende oggend het hy gevoel “iets is nie lekker nie”, maar dit aan die tuinwerk toegeskryf.

“Ek en my vrou, Stienie, het nog vroegoggend dorp toe gestap, maar ek het gevoel my arms is baie lam en het erge pyn in my bors begin ervaar,” vertel Lucas.

Terug by die huis het Stienie baie bekommerd geraak en wou hom na die apteeksuster neem, maar diè was reeds van diens af.

“Ek glo die Here het my na Gansbaai Kliniek laat ry, al het ek nie baie moed gehad daarvoor nie,” het Stienie gesê.

“Ek weet hoe lank die rye normaalweg is waar ‘n mens moet gaan sit en wag, maar ek het ook geweet as ek langer talm gaan ek my man verloor.”

By die kliniek het sy Lucas in die motor agtergelaat, ingestap en baie benoud gesê haar man het erge borspyn.

Volgens die egpaar het dinge baie vinnig gebeur. Daar was ook ‘n dokter aan diens en Lucas is ingebring, op ‘n bed neergelê waar daar op professionele wyse ondersoeke gedoen is en behandeling toegepas is.

Hy is gestabiliseer, maar meegedeel dat dit ‘n ernstige hartaanval is.

Die ambulans is ontbied en Lucas is na Hermanus Provinsiale Hospitaal geneem vanwaar hy dadelik per ambulans na Tygerberg Hospitaal in die Kaap geneem is.

Daar aangekom, is die nodige aandag aan hom gegee en ondersoeke is gedoen.

Vrydag, 30 Junie is die eerste stent ingeplant en Maandag, 3 Julie die tweede stent.

Lucas sterk tans tuis aan en dit gaan baie goed met hom.

Hy het die volgende gesê: “Behalwe vir die positiewe kommentaar oor Gansbaai Kliniek wat deur Tygerberg se dokters geopper is, is ek in my hart daarvan oortuig dat my lewe deur Gansbaai Kliniek se vinnige en doeltreffende optrede gered is, waarvoor ek hulle altyd innig dankbaar sal bly.”

Tygerberg dokters vol lof vir ons kliniek

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

The Erica Irregularis

The Erica Irregularis

Located near the southern tip of South Africa, the Cape Floral Kingdom is the most diverse floral kingdom in the world...

Bucket list stuff!

Bucket list stuff!

Our popular Premium Beach Trail is suitable for all ages and for riders with all levels of experience...

Ready Steady Go

Ready Steady Go

After a well deserved break, we are back & ready to tackle the second half of the year!

Goedvertrou Guest Farm
What happens when inheriting a property?

What happens when inheriting a property?

Questions to ask that will help you make decisions.

Seeff Gansbaai
July Holiday Trails

July Holiday Trails

Make the most of this beautiful weather and book your Beach Trail with us...

July: Plastic Awareness Month

July: Plastic Awareness Month

July is plastic awareness month, aiming at combating single use plastic items.

See All Articles