The Masked Spa Se Verjaarsdag
In 2023, aan die begin van Desembermaand, het verbygangers se koppe behoorlik in die rigting van Hoofstraat 30 gedraai - watse spa-gedoente is dit hierdie, nogal in Gansbaai se Hoofstraat? Menings het vinnig verander ná die amptelike opening van The Masked Spa deur Chris en Wimpie Daubert as eienaars en Hester Hoon as Bestuurder.
Chris en Wimpie het toe al geglo dat hulle met professionele dienste ‘n aanwins vir Gansbaai sal en kan wees - en dít is vinnig deur hulle bewys. Terselfdertyd het hulle vanjaar ook weer gesorg dat hulle woonhuis in Hoofweg, De Kelders soos ‘n ‘Sprokiesdorpie’ op sy eie lyk soos dit met Kersliggies opgemaak is.
Tydens Gans-Berg Nuus se besoek aan The Masked Spa op hul 1ste verjaarsdag, was hulle getroue en bekwame ambassadeur en jarelange vriendin, Lizz Meiring, ook daar - met Gans-Berg Nuus se joernalis wat, net soos die vorige keer, met drukkies (lekker!) begroet is! Smaaklike ‘cub cakes’ is gratis uitgedeel, met ‘n gazibo voor die gebou wat pragtig opgemaak is - niemand kon dit miskyk nie.
Lizz, ‘n bekwame joernalis, TV-aanbieder, toneelspeler en baie meer bekwaamhede, het summier en spontaan aangebied om sommer net daar, in die verjaarsdag-gazibo en sommer op haar foon, ‘n gratis artikel vir die Gans-Berg Nuus te skryf, wat ‘n halfuur later ontvang is - dankie, Lizz, waardeer!
Hardus Botha
Artikel vir Gans-Berg Nuus
(Lizz Meiring)
‘n Jaar gelede is The Masked Spa in Gansbaai geopen. Chris en Wimpie Daubert het voorheen in Gauteng ‘n baie suksesvolle Spa bedryf. Nadat hulle besluit het om Gansbaai toe te verhuis, was die besluit om hier ‘n Spa te vestig voor die hand liggend. The Masked Spa ontleen sy naam aan die prinsiep dat kliënte hier hul allerdaagse “maskers” kan afhaal en net hulself kan wees.
Binne ‘n jaar het hierdie Spa ‘n ongelooflike reputasie opgebou onder beide plaaslike en internasionale kliënte. Die wye verskeidenheid van behandelings (sommiges uniek tot die Spa), die kwaliteit diens van die terapeute en die rustige atmosfeer sorg vir vele gereelde kliënte.
Nie net is die Dauberts suksesvolle besigheids-eienaars nie, maar hulle het ook vinnig geliefde inwoners en bydraers tot die gemeenskap geword. Besoek gerus The Masked Spa by Hoofstraat 30, Gansbaai en vir besprekings skakel of whatsapp na 021 773 0867 of stuur ‘n epos aan spa@themasked.co.za. (Webwerf is themasked.co.za)
