Henry Pike bedien by AGS Gansbaai
Sondag, 02 November 2025 om 09:00, bedien Henry Pike by AGS Gansbaai Aanbiddingsentrum. Almal is welkom.
Henry en sy vrou, Justine, het mekaar by Hatfield Christian Church Bybelskool ontmoet en is in 2008 getroud.
Hulle is geroep na Kuruman waar hulle drie jaar in ’n gemeente gedien het. Henry was die aanbiddingsleier en Young Adults pastoor en Justine was die Jeugwerker by ’n Laerskool.
In 2011 is hulle deur Gary en Rhona Kieswetter geroep om saam met hulle Die Bron te plant en mede-leiers te wees.
Henry bedien op verskeie radio stasies, televisie, het sy eie radioprogram op Tygerberg 104fm en het ook al verskeie albums vrygestel.
Hy is ook gereeld betrokke om die aanbidding by It’s Time events te lei.
Sy passie is om mense te bedien met die Woord en musiek, om hulle te motiveer om te groei in hulle verhouding met God en ‘n lewe van totale oorgawe te leef.
Justine, is die NextGEN leier by Die Bron Kerk wat Kinder-, Jeug en Studente bediening insluit. Sy bedien ook by vrouegeleenthede, asook op radio.
Haar vele passies sluit in, opleiding en kreatiwiteit in Kinder- en Jeugbediening, uitvoerende kunste en enige ander bediening waarby sy betrokke is.
Haar boek ‘Leeg’, wat handel oor God se troos tydens geboorteverlies, is vir baie mense tot seën en het ‘n boekprys bekom. Dit het ook gelei tot ‘n bediening – Lewe na Miskraam, waar sy families help om deur trauma te werk.
Henry en Justine maak hulle drie dogters groot om in dieselfde passie vir God en mense te leef.
