Seemeeu Desember 2020: Die Krip Ritueel
“Good ritual carries a power beyond what we can rationally explain. Rituals can help bring about group unity, healing, and other kinds of transformation..” - R Rolheizer
Rituele vorm deel van ons alledaagse lewe. Geboorte-, familie-, en huweliks rituele is enkele voorbeelde hiervan. Binne die geloofsgemeenskap is daar onder andere Gebed-en meditasie rituele, nagmaal- en doop rituele, en sterwensrituele. Waarom is rituele nog deel van ons moderne lewe? Watter betekenis gee dit aan ons bestaan? Waarom is daar byvoorbeeld in sommige gesinne of families die gebruik om ten minste een maaltyd op ‘n dag saam te geniet, om Sondae gesinstyd te geniet en elke Kersdiens saam kerk toe te gaan? Ek onthou uit my kinderjare hoe my pa ons as gesin, Sondae na kerk, in die Kombi gelaai het om snoek te gaan koop in Houtbaai of Bloubergstrand. Tydens die snoekseisoen het hierdie ryery ‘n ritueel geraak. Soms is hierdie rituele vir jonger gesinslede waardeloos, irriterend en onnodig. Die versoeking om die rituele te los, te laat vaar, groei al groter. En waarom nie? Ronald Rolheizer antwoord as volg oor die noodsaaklikheid van rituele: “We will do this because if we don’t, we will eventually fall apart and die as a family As a human family needs to sustain itself by set, straightforward, repetitive, predictable, unexciting rituals, so too the Christian family. Without ritual gathering we will, like any family, soon fall apart”.
Binne die Christelike geloof vergader gelowiges al vir eeue rondom die Woord van God, die nagmaal tafel en die doopvond. Deur die eeue het hierdie en vele ander Christelike rituele van eenvoud mense saamgebind, heling gebring en aan die lewe nuwe betekenis gegee. Hierdie rituele het die gemeenskap van gelowiges bewaar van versplintering, vervreemding en ‘n sinlose bestaan.
Hierdie Kersseisoen word ons uitgenooi om saam met ons gesinne, families en alle gelowiges rondom die Krip bymekaar te kom. ‘n Eeue oue ritueel. Ons word genooi om in die Krip ritueel met ons pyn, vreugdes, twyfels, drome, vrese, ja, in ons totale weerloosheid byeen te kom rondom Christus, die Vleesgeworde Woord. In die woorde van Rolheizer: “We do not have to even understand what we are doing and we do not have to be brilliant, imaginative, or stimulating. We just have to gather in His name around the simple clear rituals he gave us. He promised to do the res”.
